နာနတ်ပင် စိုက်ပျိုးခြင်း

နာနတ်ပင်ရဲ့ မူရင်းဒေသကတော့ ဘရာဇီးနိုင်ငံကပဲဖြစ်ပါတယ်။ နာနတ်သီးကိုတော့ အလုံးကြီးမျိုး၊ အလုံးလတ်မျိုး၊ အလုံးသေးမျိုးဆိုပြီး အရွယ်အစားကို လိုက်ပြီး သုံးမျိုးခွဲခြားနိုင်ပါတယ်။

နာနတ်ပင်တွေဟာ ပူအိုက်စွတ်စိုတဲ့ ရာသီဥတုကို ကြိုက်နှစ်သက်ပါတယ်။ ရွှံ့မြေကိုတော့ မကြိုက်နှစ်သက်ပါဘူး။ ရေစီးရေလာကောင်းမွန်တဲ့ မြေတိုင်းမှာ စိုက်ပျိုးလို့ရနိုင်ပါတယ်။ မိုးရေချိန်လက်မ ၂၀ ကနေ မိုးရေချိန်လက်မ ၈၀ အတွင်း ကောင်းစွာဖြစ်ထွန်းပါတယ်။

နာနတ်ပင်ကို စိုက်ပျိုးရာမှာတော့ အသီးထိပ်ပိုင်း၊ အသီးထိပ်မှ ထွက်တဲ့အတက်၊ အသီးရင်းမှ ထွက်တဲ့ အတက်၊ မြေပေါ်အတက်၊ မြေအောက်အတက်တို့ကို စိုက်ပျိုးနိုင်ပါတယ်။

အသီးထိပ်ပိုင်းကို စိုက်ပျိုးပါက ၂ နှစ်ကြာမှ အသီးသီးမှာဖြစ်ပြီး၊ ခေါင်းတက်နဲ့အသီးရင်းမှ ထွက်တဲ့အတက်ကို စိုက်ပျိုးပါက ၁၅ လကြာမှ သီးမှာဖြစ်ပါတယ်။ မြေပေါ်အတက်နဲ့မြေအောက်အတက်ကို စိုက်ပျိုးမယ်ဆိုပါက ၁နှစ်အတွင်း အသီးသီးမှာဖြစ်ပါတယ်။

နာနတ်ပင်တွေကိုတော့ စိုက်ဘောင်များနှင့်သော်လည်းကောင်း၊ စိုက်ကျင်းများနှင့်သော်လည်း၊ အတန်းလိုက် စိုက်ပျိုးနိုင်ပါတယ်။

တပင်နဲ့တပင်ကို ၂ ပေ နှင့် တတန်းနဲ့ တတန်းကို ၄ပေခွာ စိုက်ပျိုးပေးရမှာဖြစ်ပါတယ်။ ၁ ဧကကို နွားခြေး တင်း ၂၀ ချထားပေးရမှာဖြစ်ပါတယ်။

အပင်က ၄လက်မလောက်တက်လာပြီ ဆိုရင်တော့ ၁ ဧကကို ယူရီးယား ၇ပိသာ၊ တီဆူပါ ၃၀ပိသာ၊ ပိုတက် ၁၅ပိသာတို့ကို ၂ခါခွဲပြီးထည့်ပေးရမှာဖြစ်ပါတယ်။

နာနတ်ကတော့ စိုက်ပြီး ၆လအကြာမှ ၈ လကြာတဲ့အခါမှာ ပန်းများဖူးပွင့်ပြီး ၁ နှစ်အကြာမှာ အသီးများကို ဆွတ်ခူးနိုင်မှာဖြစ်ပါတယ်။

နာနတ်ပင်မှာ ကျရောက်တက်တဲ့ ဖျက်ပိုးတွေကတော့ ဒက်ပိုးဖြစ်ပြီး အသီးပေါ်မှာ အစုလိုက်အပြုံလိုက်ကျရောက်တက်ပြီး အပင်ရည်ကို စုပ်စားခြင်းပဲဖြစ်ပါတယ်။