One Championship

၁၈ လွှာမှ ခုန်ချအဆုံးစီရင်ခဲ့သော မြန်မာအိမ်အကူမိန်းကလေးမိဘများ စင်ကာပူသို့ လိုက်သွားမည်

“စင်ကာပူနိုင်ငံလိုက်သွားကြမှာပေါ့။ သမီးလေး ခုလိုဖြစ်သွားတယ်ဆိုတာကလည်း ဖေ့စ်ဘုတ်မှာ ဗီဒီယို တက်လာမှ သိတယ်လေ။ ခုက အကျိုးအကြောင်းကိုလည်းဘာမှ မသိဘူးလေ။ ကျွန်တော့် သမီးလေးက လိမ်မာတဲ့ သမီးလေးပါ။ ခုလိုဖြစ်သွားတာ ဘာကြောင့်လဲဆိုတာ ဇဝေဇဝါဖြစ်နေတယ်။ သေချာမသိရဘူး။ အဖြစ်မှန် သိချင်တယ် ။ အဖေတစ်ယောက်အနေနဲ့။ ခုလောလောဆယ် သိတာတော့ အိမ်ရှင်က နှိပ်စက်သလိုမျိုးပဲ ဖြစ်နေတယ်။ ဒါတွေကို ဖော်ထုတ်ပြီး သက်ဆိုင်ရာက ထိထိရောက်ရောက်လည်း ဆောင်ရွက်ပေးစေချင်ပါတယ်။ ဒါကြောင့် သွားမှာပါ” ဟု ဦးမောင်တင်ရွှေက ပြောသည်။