အမေရိကားတိုက်တွင် နှစ်ပေါင်း ၉၉ နှစ်အတွင်း ပထမဆုံးဖြစ်ပေါ်လာတဲ့ သြဂုတ် ၂၁ ရက်က နေအပြည့်ကြတ်မှုကို အနောက်ဘက် အော်ရီဂွန်ပြည်နယ်ကနေ အရှေ့ဘက် တောင်ကာရိုလိုင်းနားပြည်နယ်အထိ နေကြတ်မှုကို မြင်တွေ့ရတာဖြစ်ပါတယ်။
အမေရိကန်မှာ နေအပြည့်ကြတ်မှုကို ၁၉၁၈ ခုနှစ်နောက်ပိုင်း ပထမဆုံးအကြိမ် ပြန်လည်မြင်တွေ့ရတာဖြစ်ပြီး နေအပြည့်ကြတ်မှုကို ၉၉ နှစ်ကြာမှ ပြန်လည် မြင်တွေ့ခွင့်ရတာလည်းဖြစ်ပါတယ်။ အမေရိကန်ကနေ မြင်တွေ့ရမယ့် နေကြတ်မှုဖြစ်စဉ်ဟာ ၂ မိနစ်နဲ့ ၄၃ စက္ကန့်အထိ ကြာမြင့်နိုင်ကြောင်း နာဆာအဖွဲ့အရ သိရပါတယ်။
အမေရိကန်ပြည်ထောင်စုရှိ အိမ်ဖြူတော်၊ ဝိုင်ယိုမိန်ပြည်နယ်၊ ဝါရှင်တန်ဒီစီ၊ နယူးယောက်ရှိ တိုင်းမ်စကွဲယား၊ ဆစ်စတာစ်အော်ရီဂွန်၊ ဂျော်ဂျီယာရှိ ယာဘီဂတ်တို့မှာ မြင်တွေ့ရတဲ့ အဆိုပါနေအပြည့်ကြတ်မှု ပုံတွေကို ဖော်ပြလိုက်ပါတယ်။
ပြည်နယ် ၁၄ ပြည်နယ်မှ ပြည်သူ ၁၂ သန်း နေအပြည့်ကြတ်မှုကို မြင်ရနိုင်ပြီး ကျန်သော သန်းပေါင်းများစွာသော ပြည်သူများမှာ အစိတ်တစ်ပိုင်း လကြတ်မှုကို မြင်တွေ့ရနိုင်ကြောင်း အမေရိကန် နက္ခတ္တဗေဒအဖွဲ့ကြီးက ပြောသည်။
(ဓာတ်ပုံ - အီးပီအေ)
