ချင်းမိုင် (မဇ္ဈိမ) ။ ။ ထိုင်းအစိုးရက မြန်မာ အလုပ်သမားများအတွက် ယာယီနိုင်ငံကူးလက်မှတ် ပြုလုပ်ရန် ပုံစံတင်ခွင့် ကာလကို တလထပ်တိုး ပေးလိုက်သည်။
ယခင်က ယာယီနိုင်ငံကူးလက်မှတ် ပုံစံဖြည့်တင်ရန် ထိုင်း-မြန်မာ နှစ်နိုင်ငံကြား နားလည်မှုစာချွန်လွှာ MOU အရ ယခုနှစ် ဖေဖေါ်ဝါရီ ၂၈ ရက်ကို နောက်ဆုံးအစား မတ်လ ၃၁ ရက်ထိ ထပ်မံ တိုးပေးလိုက် ခြင်းဖြစ်သည်။
“မတင်ရသေးတဲ့လူတွေအများကြီးရှိနေသေးတဲ့အတွက် ၃ လပိုင်း ၃၁ ရက် နေ့အထိကို ပတ်စပို့ ဖေါင်တင်ဖို့အတွက်ကို နောက်ထပ်တလ တိုးပေးတယ်။ မတင်ဘူးဆိုရင် သူတို့ (ထိုင်းတွင် နေခွင့်နှင့် အလုပ်လုပ်ခွင့်) ပြန်ရုတ်သိမ်းမယ်” ဟု ထုတ်ပြန်ချက်တွင် ပါဝင်ကြောင်း ရွှေ့ပြောင်းအလုပ်သမားများကို ကူညီနေသော ထိုင်းနိုင်ငံအခြေစိုက် MAP Foundation မှ တာဝန်ရှိသူ ကိုအေးက မဇ္ဈိမကို ပြောသည်။
နိုင်ငံသား စီစစ်ရေး ပုံစံများကို သက်ဆိုင်ရာ မြို့နယ်များရှိ အလုပ်သမား ရှာဖွေရေးရုံးများတွင် ရရှိနိုင် ကြောင်းသိရပြီး ထိုင်းနိုင်ငံအတွင်း အလုပ်လုပ်ခွင့် လက်မှတ် သက်တမ်းတိုးရန်အတွက်လည်း ယခုလ ၂ ရက်နေ့အထိ သက်တမ်း ၂ ရက် ထပ်ဆောင်းပေးထားသည်ဟု ဆိုသည်။
ထိုင်းနိုင်ငံတွင် နေထိုင်ခွင့်နှင့် အလုပ်လုပ်ခွင့်လက်မှတ် ပြုလုပ်ထားသူ မြန်မာနိုင်ငံသားပေါင်း ၁ သန်း ကျော်ရှိသော်လည်း ယာယီနိုင်ငံကူးလက်မှတ်ပြုလုပ်ရန် တင်ထားသူ ၃ သိန်း ခန့်သာရှိကြောင်း လေ့လာ သိရှိရသည်။
ယာယီနိုင်ငံကူးလက်မှတ်ကို ပြီးခဲ့သည့်နှစ် ဇန်နဝါရီလက စတင် ပြုလုပ်ပေးခဲ့သော်လည်း အလုပ်သမား များက မြန်မာအာဏာပိုင်များကို အယုံကြည်ကင်းမဲ့ခြင်း၊ ခရီးဝေးခြင်း၊ ကုန်ကျစားရိတ်များခြင်းနှင့် လုပ်ငန်းအဆင့်ဆင့်ကို နားမလည်ခြင်း တို့ကြောင့် တုန့်ဆိုင်း ကြန့်ကြာနေခြင်းဖြစ်သည်။
ယခင်လ ၂၇ ရက်နေ့တွင် စစ်အစိုးရ ပြည်ထဲရေးဝန်ကြီး ဗိုလ်ချုပ်မောင်ဦးသည် ထိုင်းအလုပ်သမား ဝန်ကြီးဌာနမှ တာဝန်ရှိသူများ၊ လုပ်ငန်းရှင်များနှင့် ဘန်ကောက်မြို့အနီးရှိ မဟာချိုင်ဒေသတွင် ယာယီ နိုင်ငံကူးလက်မှတ်ပြုလုပ်မှုနှင့် ပတ်သက်၍ ဆွေးနွေးခဲ့ကြောင်း သိရသည်။
“သူမဟာချိုင်မှာ ပြောသွားတာကတော့ မဟာချိုင်တခုတည်းမှာတင် ၁ သိန်းခွဲကျော် မှတ်ပုံတင်ထားတာ ရှိတယ်ပေါ့လေ။ အဲဒီအထဲကမှ ဘာလို့ ၆ ထောင်လောက်ပဲ လုပ်ကြသေးလဲပေါ့” ဟု အဝေးရောက် ညွှန်ပေါင်းအစိုးရ NCGUB မှ ရွှေ့ပြောင်းအလုပ်သမားရေးရာဌာန တာဝန်ခံ ကိုသက်ခိုင်က ပြောသည်။
ထို့အပြင် ဗိုလ်ချုပ်မောင်ဦးက ယာယီနိုင်ငံကူးလက်မှတ်ပြုလုပ်ပေးနေရာတွင် ဖမ်းဆီးခြင်း၊ အခွန်ကောက် ယူခြင်းတို့ မရှိကြောင်းလည်း အာမခံ ပြောကြားသွားသည်။
ထိုင်းနိုင်ငံတွင် မြန်မာနိုင်ငံသား ရွှေ့ပြောင်း အလုပ်သမား စုစုပေါင်း ၂ သန်းကျော် ရှိပြီး နေထိုင်ခွင့် လက် မှတ်မပြုလုပ်ပဲ နေထိုင်သူ ဦးရေမှ ၁ သန်းခွဲကျော်ရှိကြောင်း အလုပ်သမားအရေးဆောင်ရွက်နေသော အဖွဲ့များက ခန့်မှန်းကြသည်။
(ကိုဝိုင်းတည်းဖြတ်သည်)
