LIVE: မြန်မာ ၂-၄ အင်ဒိုနီးရှား (Extra-time)

06 December 2019

Football at the Southeast Asian Games – Men's tournament (Semi-final) December 7, 14:30

Myanmar

2-4 (ET)
Win Naing Tun 78' Aung Kaung Mann 79' Dimas Evan 57' 113' Maulana Egy 70' Osvaldo Haay 101'

Indonesia

Rizal Memorial Coliseum

Sunday, December 8, 2019 - 8:49am

8:49

ပိုကောင်းတဲ့အသင်းက အနိုင်ရသွားတာပါ - ပိုပေါ့ဗ်

"အနိုင်ရသွားတဲ့ အင်ဒိုနီရှားအသင်းကို ချီးကျူးပါတယ်။ ပိုကောင်းတဲ့အသင်းက အနိုင်ရသွားတာပါ။ ဒီနေ့ပွဲမှာ ရှုံးနိမ့်ခဲ့ရပေမယ့် ကျွန်တော့် ကစားသမားတွေရဲ့ ကြိုးစားအားထုတ်မှုနဲ့ ခြေစွမ်းကိုတော့ ကျေနပ်ပါတယ်။ အင်ဒိုနီးရှားအသင်းက အခွင့်အရေးတွေကို အပိုင်အသုံးချနိုင်ခဲ့သလို ကျွန်တော်တို့ကလည်း ရသမျှအခွင့်အရေးတွေကို အသုံးချခဲ့တာပါပဲ။ ဒီနေ့ပွဲမှာ အားပေးခဲ့ကြတဲ့ ပရိသတ်တွေ၊ ကြိုးစားခဲ့ကြတဲ့ အသင်းတာဝန်ရှိသူတွေ၊ နည်းပြအဖွဲ့ဝင်တွေ၊ ဆေးအဖွဲ့နဲ့ ကစားသမားတွေအားလုံးကို ကျေးဇူးတင်ပါတယ်"

- မြန်မာယူ-၂၂ အသင်းနည်းပြချုပ် မစ္စတာပိုပေါ့ဗ်

Saturday, December 7, 2019 - 5:07pm

17:07

Myanmar 2 – 4 Indonesia (ET)

မြန်မာအသင်းနဲ့ အင်ဒိုနီးရှားအသင်းတို့ရဲ့ ပွဲစဉ်ကတော့ ပြီးဆုံးသွားခဲ့ပြီဖြစ်ပြီး အင်ဒိုနီးရှားရဲ့ အချိန်ပို သွင်းဂိုး (၂)ဂိုးနဲ့ အတူ မြန်မာအသင်း အရှုံးပေးလိုက်ရပါပြီ။

ပွဲချိန် မိနစ်(၉၀)အတွင်းမှာ မြန်မာအသင်းရဲ့ အကောင်းဆုံး ကြိုးစားမှုတွေကို တွေ့ရပေမယ့်လည်း အချိန်ပို မိနစ်တွေမှာတော့ သိသိသာသာ ကစားအားကျသွားခဲ့လို့ သွင်းဂိုးတွေ ခွင့်ပြုလိုက်ရတာပါ။

ဘာပဲဖြစ်ဖြစ် မြန်မာအသင်းကစားသမားတွေရဲ့ ကြိုးစားမှုကို အသိအမှတ်ပြုရမှာပဲဖြစ်ပြီး လာမယ့်နှစ်တွေမှာ ပိုပြီး ထွန်းတောက်လာမယ့် ကစားသမားတွေကို ဆက်လက် အားပေးကြရမှာပါ။

ကဲ…Mizzima အနေနဲ့လည်း နောက်ထပ် ပွဲကောင်းတွေကို Live Commentary အဖြစ် တင်ဆက်ပေးသွားဦးမှာဖြစ်လို့ Mizzima ရဲ့ Facebook Page ကို မလွတ်တမ်းစောင့်မျှော်ကြည့်ရှုလိုက်ပါဦးလို့ တိုက်တွန်းလိုက််ပါတယ်နော်…။

Saturday, December 7, 2019 - 5:04pm

17:04

Injury Times (+2)

နာကျင်အချိန်ပို ( ၂)မိနစ် ပေးထားတယ် ခင်ဗျာ။ မြန်မာအသင်းအနေနဲ့တော့ ဆီမီးဖိုင်နယ်် အဆင့်မှာတင် ကျေနပ်လိုက်ရပြီဖြစ်ပြီး တခြားတစ်ဖက်က ရှုံံးလာတဲ့အသင်းနဲ့ တတိယ နေရာလုရတော့မှာပါ။

Saturday, December 7, 2019 - 5:01pm

17:01

Red Card!!

မြန်မာအသင်းကွင်းလယ်လူ အောင်နိုင်ဝင်း တစ်ယောက် တိုက်ရိုက်အနီကတ်နဲ့ ထုတ်ပယ်ခံလိုက်ရပြီ ခင်ဗျာ။ အော့စ်ဗယ်ဒို ကို နောက်ကနေ အသားလွတ် ကန်ခဲ့တာကြောင့်ပါ။

Saturday, December 7, 2019 - 5:00pm

17:00

28 Min

ပွဲပြီးဆုံးဖို့တော့ အချိန်တွေအများကြီး မလိုတော့ပါဘူး။ မြန်မာအသင်းက တိုက်စစ်ဆင် ကစားနေပေမယ့် ကွင်းလယ်လူတွေ ပံ့ပိုးမှု မပြုလုပ်နိုင်တာကြောင့် ဂိုးရဖို့ အခြေအနေမရှိတော့ဘူးလို့ ထင်စရာ ခင်ဗျာ။ ကွင်းအတွင်းမှာ ကစားသမားတွေ မကြာခဏ အချင်းများနေကြပြီး ပွဲက ပိုလို့ တင်းမာလာခဲ့တာကို တွေ့နေရပါတယ်။