“ သမ္မတဟောင်း လုံခြုံရေး ဥပဒေပြုပေးသင့်သလား။”

.

ပြီးခဲ့တဲ့ ဒီဇင်ဘာ ၂၁ ရက်နေ့က အစိုးရပိုင် သတင်းစာတွေမှာ “ နိုင်ငံတော် သမ္မတ တာဝန်ထမ်းဆောင်ခဲ့သူဇ။် လုံခြုံရေးဆိုင်ရာ ဥပဒေကြမ်း” ကို အများပြည်သူ လေ့လာနိုင်အောင် ဆိုပြီး ဖော်ပြခဲ့ပါတယ်။ အဲဒီတစ်ရက်ထဲမှာပဲ ဒီဥပဒေကြမ်းကို ပြည်ထဲရေး ၀န်ကြီးဌာနက ပြည်သူ့လွှတ်တော် အစည်းအဝေးမှာ တင်သွင်းခဲ့ပြီး ဥပဒေကြမ်း ကော်မတီကလည်း ဥပဒေကြမ်းနဲ့ ပတ်သက်တဲ့ စိစစ် တွေ့ရှိမှု အစီရင်ခံစာကို တင်သွင်းခဲ့ပါတယ်။ ဥပဒေမှာ ဘာဖော်ပြထားသလဲ၊ ဒီလို ဥပဒေမျိုး လိုအပ်ရဲ့လား၊ ဥပဒေကြမ်းကော်မတီရဲ့ မှတ်ချက်ကရော ဘယ်လိုလဲ ဆိုတာ ဒီကနေ့ ဆွေးနွေး တင်ပြသွားပါ့မယ်။

ဥပဒေကြမ်းမှာ ဖော်ပြထားတာကို အတိုချုပ် ပြောရမယ် ဆိုရင် သက်တန်းပြည့် တာဝန်ထမ်းဆောင်ခဲ့တဲ့ နိုင်ငံတော် သမ္မတ တစ်ယောက်ကို သူ အနားယူသည်ကနေ နောက်ပိုင်း အချိန်ကာလ တလျောက်လုံးအတွက် အစိုးရအဖွဲ့အစည်းကနေ လုံခြုံရေးကို တာဝန်ယူပေးဖို့ ဖြစ်ပါတယ်။ ဥပဒေကြမ်းရဲ့ အခန်း (၂) ရည်ရွယ်ချက်များ မှာလည်း ခုလို ဖော်ပြထားပါတယ်။ “ ၃ ။ ဤဥပဒေဇ။် ရည်ရွယ်ချက်များမှာ အောက်ပါ အတိုင်းဖြစ်သည်။ (က) နိုင်ငံတော် သမ္မတ တာဝန်ထမ်းဆောင်ခဲ့သူဇ။် အသက်အန္တရာယ်နှင့် ကိုယ်ကာယ ကို ထိခိုက်ခြင်းမှ ကြိုတင်ကာကွယ်ရေး၊ သို့မဟုတ် ကာကွယ်နိုင်ရေးအတွက် လုံခြုံရေး ဆောင်ရွက်ရန်၊ (ခ) နိုင်ငံတော် သမ္မတ တာဝန်ထမ်းဆောင်ခဲ့သူအား မိသားစုနှင့်အတူ လုံခြုံစွာနှင့် စိတ်အေး သက်သာစွာ နေထိုင်နိုင်ရန်၊ (ဂ) နိုင်ငံတော်ဇ။် တာဝန်ကို ထမ်းဆောင်ပြီး နောက်ပိုင်းတွင် ထိုတာဝန် ထမ်းဆောင်စဉ်က ဥပဒေနှင့်အညီ ဆုံးဖြတ်ခဲ့မှုများနှင့် စပ်လျဉ်း၍ အနှောင့်အယှက် ပေးခြင်း၊ အန္တရာယ် ပြုခြင်း တို့မှ ကာကွယ်ရန်။” ဆိုပြီး ဖော်ပြထားပါတယ်။

ဒါကိုကြည့်ရင် ကောင်းမွန်တဲ့ ရည်ရွယ်ချက်လို့ ဆိုနိုင်ပါတယ်။ လက်ရှိ မြန်မာနိုင်ငံဟာ စစ်အာဏာရှင်တွေ အုပ်စိုးတဲ့ စနစ်ကနေ စနစ် အသစ်တစ်ခုကို စတင်နေချိန်ဖြစ်ပါတယ်။ ဒါကြောင့် နိုင်ငံ့အထွဋ် အထိပ် အကြီးအကဲ တာဝန်ထမ်းဆောင်သွားသူတွေကို အနားယူပြီး နောက်ပိုင်းမှာလည်း သင့်တော်တဲ့ အစီအမံ ခံစားခွင့် နဲ့ စောင့်ရှောက်မှုတွေကို ဥပဒေနဲ့ အညီ ပြဌာန်းပေးဖို့လည်း လိုအပ်ပါတယ်။ ဒီ့အပြင် ရှေ့ပိုင်း အခြေအနေကို ပြန်ဆန်းစစ်ကြည့်ရင် နိုင်ငံ့ထိပ်သီး တာဝန်ထမ်းဆောင်သွားသူတွေရဲ့ နောက်ပိုင်း လုံခြုံရေး အခြေအနေ သိပ်မကောင်းခဲ့ပါဘူး။ အာဏာရှင်ကြီး ဦးနေ၀င်းအတွက် အဲဒီအချိန်က တိုင်းပြည်ကို အပြည့်အ၀ စိုးမိုးအုပ်ချုပ်နေတဲ့ စစ်အာဏာရှင်နဲ့ တပ်မတော်ဘက်က တာဝန်ယူခဲ့ပါတယ်။ နောက်ပိုင်း ကိုယ်ကျိုးစီးပွား ပြသနာအပေါ် အခြေခံပြီး ဦးနေ၀င်းကို အရေးယူဖို့ လုပ်တဲ့အခါ အဲဒီ ကိုယ်ရံတော် တပ်ဖွဲ့ဆိုတာကပါ အမှုအခင်းထဲ ပါဝင်ခဲ့ရပါတယ်။

နောက်ဆုံး အနားယူသွားတဲ့ စစ်အာဏာရှင် ဗိုလ်ချုပ်မှူးကြီးသန်းရွှေ ဆိုရင်လည်း တပ်မတော် စစ်ဌာနချုပ် ဧရိယာထဲမှာပဲ နေထိုင်ပြီး တပ်မတော်ကပဲ လုံခြုံရေးဆိုင်ရာကို အပြည့်အ၀ တာဝန်ယူပေးထား ရတယ်လို့ သိရပါတယ်။ ဘယ်လိုပဲဖြစ်ဖြစ် သိပ်မကြာခင် နိုင်ငံတော် သမ္မတ ဦးသိန်းစိန် တာဝန်ကနေ အနားယူတော့မယ် ဆိုတဲ့ သဘော တွေ့မြင်နေရပါတယ်။ သမ္မတ ဦးသိန်းစိန်ဟာ အရင် အာဏာရှင် ဦးနေ၀င်း၊ ဗိုလ်ချုပ်မှူးကြီးသန်းရွှေ တို့နဲ့ ခြားနားပါတယ်။ သူဟာ ဖွဲ့စည်းပုံ အခြေခံဥပဒေ ၂၀၀၈ အရ သမ္မတ တာဝန်ပေးအပ်ခြင်း ခံရသူ ဖြစ်တဲ့အတွက် သူအနားယူပြီးနောက်ပိုင်း နောင် အဆက်ဆက်သော အစိုးရအဖွဲ့တွေက စောင့်ရှောက်ခြင်းအားဖြင့် သမိုင်းအစဉ်အလာ သစ် တပ်ခုကို စတင် အသက်သွင်းပေးရာလည်း ရောက်တာမို့ ဥပဒေပြဌာန်းပြီး စောင့်ရှောက်တာဟာ သင့်မြတ်လှပါတယ်။

ဥပဒေကြမ်းမှာ ဖော်ပြထားတာကတော့ သမ္မတဟောင်းရဲ့ လုံခြုံရေးကို ကာကွယ်ရေးဝန်ကြီးဌာနနဲ့ ပြည်ထဲရေး ၀န်ကြီးဌာန (၂) ခုက တာဝန်ယူရမယ် ဆိုတဲ့ သဘောမျိုး ရေးဆွဲထားတာ တွေ့ရပါ တယ်။ ပြည်သူ့လွှတ်တော် ဥပဒေကြမ်းကော်မတီကတော့ ပြည်ထဲရေး ၀န်ကြီးဌာနကပဲ တာဝန်ယူသင့်တယ်၊ လုံခြုံရေးကို တာဝန်ယူမယ့် ကိုယ်ရံတော် တပ်ဖွဲ့ဟာလည်း ရဲတပ်ဖွဲ့ဝင်တွေပဲ ဖြစ်ရမယ် ဆိုပြီး ပြင်ဆင်ထားပါတယ်။ ဒီအချက်ကတော့ လွှတ်တော် နှစ်ရပ် ဆွေးနွေး မဲခွဲဆုံးဖြတ်ပြီးမှ အတည်ဖြစ်မှာပါ။ တကယ့်တကယ်လည်း သမ္မတ ဆိုတာဟာ အရပ်ဘက် ဆိုင်ရာ အကြီးအကဲ တစ်ယောက်ဖြစ်တာမို့၊ နောင် အနားယူသွားချိန်မှာလည်း လုံခြုံရေးကို အရပ်ဘက်ဆန်တဲ့ ပြည်ထဲရေးလို အဖွဲ့အစည်းက တာဝန်ယူရမယ် ဆိုတာ သဘာဝ ကျပါတယ်။

နယ်ချဲ့ ဗြိတိသျှ လက်အောက်ကနေ လွတ်လပ်ရေး ရပြီးချိန်ကစ မြန်မာနိုင်ငံမှာ ပေါ်ထွန်းခဲ့တဲ့ ခေါင်းဆောင်တွေ ဇာတ်သိမ်းမလှခဲ့ပါဘူး။ နောက်တက်လာတဲ့ ခေါင်းဆောင်တွေဟာ ရှေ့ခေါင်းဆောင်တွေ ကိုကောင်းကောင်း အသိအမှတ်မပြုခဲ့ပါဘူး။ လွတ်လပ်ရေးရပြီးချိန်ကနေ ၁၉၆၂ ခုနှစ်အထိ လူထုမဲနဲ့ အနိုင်ရခဲ့တဲ့ ၀န်ကြီးချုပ် ဦးနုကို စစ်အာဏာသိမ်းခေါင်းဆောင် ဗိုလ်ချုပ်ကြီးနေ၀င်းက ထောင်သွင်း အကျဉ်းချ၊ နောက်ပိုင်း ပြည်ပြေး အဖြစ်ပါ တွန်းပို့ခဲ့ပါတယ်။ အလားတူ ၁၉၈၈ ကနေ ၁၉၉၂ အထိ တိုင်းပြည်ကို အုပ်ချုပ်ခဲ့တဲ့ ဗိုလ်ချုပ်မှူးကြီးစောမောင်ကိုလည်း အဲဒီကအချိန် ကန့်လန့်ကာ နောက်ကွယ်ရောက်နေတဲ့ အာဏာရှင်ဦးနေ၀င်း၊ စစ်ထောက်လှမ်းရေး ဗိုလ်ချုပ်ခင်ညွန့်နဲ့ စစ်ခေါင်းဆောင်တွေ ပူးပေါင်းပြီး အတင်းအကြပ် ဖြုတ်ချခဲ့ပါတယ်။

ဒီလိုပါပဲ အာဏာရှင် ဗိုလ်ချုပ်မှူးကြီးသန်းရွှေကလည်း အာဏာရှင်ဟောင်း ဦးနေ၀င်းရဲ့ မိသားစုဝင်တွေကို ထောင်ထဲထည့်၊ နေအိမ် အကျယ်ချုပ်သဘော ထားခဲ့လို့ အာဏာရှင်ဟောင်း၊ သမ္မတကြီးဟောင်း ဦးနေ၀င်းဟာလည်း သေပန်းမလှခဲ့ပါဘူး။ အခု အာဏာရှင်ဟောင်း ဦးသန်းရွှေကိုလည်း ဥပဒေနဲ့အညီ အကာအကွယ် ပေးထားတာမျိုး မဟုတ်ပဲ တပ်မတော်က ကာကွယ်စောင့်ရှောက်ထားတာမျိုးပါ။

ဘယ်လိုပဲဖြစ်ဖြစ် လက်ရှိ တိုင်းပြည် ခေါင်းဆောင်နှစ်ယောက်ဖြစ်တဲ့ သမ္မတ ဦးသိန်းစိန်နဲ့ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ကတော့ အဲဒီ အစဉ်အလာ ဆိုးကို ပြည်ဖုံးကားချပြီး သမိုင်းစာမျက်နှာ အသစ် ရေးထိုးနိုင်ကြအောင် ကြိုးစားနေတာ မြင်တွေ့ရပါတယ်။ ဗိုလ်ချုပ်မှူးကြီးမင်းအောင်လှိုင် ဆိုရင် သူ့ရဲ့ခေါင်းပေါ်မှာ အမျိုးသားအာဇာနည် လွတ်လပ်ရေးဖခင် ဗိုလ်ချုပ်အောင်ဆန်း၊ အာဏာရှင် ဗိုလ်ချုပ်ကြီးနေ၀င်းနဲ့ အာဏာရှင် ဗိုလ်ချုပ်မှူးကြီးသန်းရွှေ တို့ကိုတောင် တပ်မတော် ခေါင်းဆောင်တွေအဖြစ် အသိအမှတ် ပြု တင်မြှောက်ထားပြီးပါပြီ။ ဒီအတွက် လက်ရှိ သမ္မတ ဦးသိန်းစိန် အနားယူသွားရင်၊ နောင် အဆက်ဆက်သော တိုင်းပြည်ခေါင်းဆောင် သမ္မတ တွေ အနားယူသွားရင် ဖွံ့ဖြိုးတဲ့ ဒီမိုကရေစီ နိုင်ငံတွေ နည်းတူ သူတို့ရဲ့ လုံခြုံရေးနဲ့ ဘ၀ ကို စိတ်အေးချမ်းသာနဲ့ ဖြတ်သန်းနိုင်ရေး ဥပဒေပြဌာန်း အကာအကွယ်ပေးတာဟာ ဒီမိုကရေစီ စနစ်ဆီ ရှေးရှုနေတဲ့ နိုင်ငံတစ်နိုင်ငံအတွက် လုပ်သင့်လုပ်ထိုက်တဲ့ အလုပ်ဖြစ်ပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်။

Tags: