နိုဝင်ဘာ ၂၆၊ လီဗာပူးလ် ။ ။ အသင်းတွင်နေရာပြန်ရလာပြီးနောက် လီဗာပူးလ်နောက်ခံလူ လိုဗရန်က ၎င်းသည်အသင်း၏ ဦးဆောင်သူတစ်ဦး ဖြစ်ကြောင်းပြသနိုင်ရန် ကြိုးပမ်းသွားမည်ဟု ဆိုသည်။
လိုဗရန်သည်ပြီးခဲ့သည့်နှစ်ဇွန်လတွင် ဆောက်သမ်တန်မှပေါင်သန်း ၂၀ ဖြင့်ပြောင်းလာပြီးနောက် လီဗာပူးလ်တွင်အနိမ့်မြင့်အတက်ကျများ ကြုံခဲ့ရပြီး အမှားတစ်ချို့ကြောင့် စက်တင်ဘာလအတွင်း အရန်ခုံသို့ ပို့ခံခဲ့ရသည်။
သို့သော်အသင်းဖော် ဗဟိုနောက်ခံလူ ဆာခိုဒဏ်ရာရသွားပြီးနောက် အသက် ၂၆ နှစ်အရွယ်ခရိုအေးရှားလက်ရွေးစင်သည် နေရာပြန်ရလာခဲ့ ပြီး မန်စီးတီးကို ၄-၁ ဖြင့်နိုင်သည့်ပွဲတွင် ခြေစွမ်းပြနိုင် ခဲ့သည်။လီဗာပူးလ်အသင်းအတွက် ပွဲ ၅၀ ပြည့်သွားသည့်လိုဗရန်က ပွဲထွက်ခွင့်ရသည့်အခွင့်ရေးကို ဆက်လက်ဆုပ်ကိုင်သွားရန် ဆုံးဖြတ်ထားသည်။
"အတက်အကျတွေရှိခဲ့ပေမယ့် လက်ရှိအချိန်ကသာ အရေးကြီးဆုံးပဲ။ အသင်းနဲ့အံဝင်အောင်ကစားနိုင်ပြီး ပျော်နေတယ်လို့ခံစားရပြီး ကျွန်တော်တို့အသင်း ကစားပုံလဲကောင်းနေတယ်။
ကျွန်တော်ဦးဆောင်သူ တစ်ယောက်ဖြစ်ဖို့ ဒီကိုလာခဲ့တာဖြစ်ပြီး ဖြစ်နိုင်တယ်လို့လည်း ထင်နေတုန်းပဲ။ ပွဲထဲမှာ အော်ဟစ်ပြောနေရတာကို ကျွန်တော်ကြိုက်တယ်။ အဲဒါမှ ပိုအာရုံစိုက်နိုင်မယ်လို့လည်း ယူဆတယ်"ဟု လိုဗရန်က ပြောသည်။
Ref; goal.com
