အင်္ဂါနေ့ ည ၇ နာရီဝန်းကျင်ခန့်တွင် မိုးကုတ်မြို့အနီး ဓာတ်တော်တောင်နားတွင် တပ်မတော်နှင့် တအာန်းအမျိုးသားလွတ်မြောက်ရေးတပ် (TNLA) တို့ တိုက်ပွဲဖြစ်ပွားမှုကြောင့် မိုးကုတ်မြို့ပေါ်မှပင် ပစ်ခတ်သံတွေ၊ လက်နက်ကြီးသံတွေကြားနေရကြောင်း ဒေသခံတွေက မဇ္ဈိမကို ပြောသည်။
"မိုးကုတ်အနောက်ခြမ်းဘက်ကနေတော့ လက်နက်ကြီးသံတွေ ဘဲကြားရတယ်၊ အရှေ့ခြမ်းမှာတော့ သေနတ်သံတွေပါကြားရတယ်၊ သူကပိုနီးလို့ပါ"လို့ ဒေသခံတစ်ဦးဖြစ်သော ကိုကောင်းထက်မိုးက ပြောသည်။
တိုက်ပွဲက အင်္ဂါနေ့ ည ၇ နာရီကျော်မှသည် ည ၉နာရီထိုးခါနီးအထိဖြစ်ပွားခဲ့ပြီး ယခုအချိန်တွင်တော့ ငြိမ်သက်နေကြောင်း သိရသည်။
မိုးကုတ်မြို့ အနီးတစ်ဝိုက်က ကျေးရွာတစ်ချို့က ပြည်သူများတွင် တိုက်ပွဲဖြစ်နိုင်တာကို ကြိုသိ၍ မြို့ပေါ်ကနီးစပ်ရာအိမ်တွေမှာ ရှောင်နေခဲကြသည်ဟုလည်း သိရသည်။