အမေရိကန်ပြည်ထောင်စု၊ နယူးယောက်မြို့က မြို့တော်ခန်းမရှေ့မှာ ရာနဲ့ချီတဲ့ဆန္ဒပြသူတွေက ရဲတပ်ဖွဲ့ရဲ့ အသုံးစရိတ် သိသိသာသာလျှော့ချပေးဖို့ ဆက်ပြီး တောင်းဆိုဆန္ဒပြနေကြပါတယ်။ အမေရိကန်လူမည်းအမျိုးသား George Floyd ရဲဖမ်းခံရချိန် သေဆုံးခဲ့ရာက အစပြုပြီး Defund the Police ဆိုတဲ့လှုပ်ရှားမှုပေါ်ပေါက်လာတာပါ။ Floyd သေဆုံးမှုကြောင့်ပဲ အမေရိကန်က ရဲတပ်ဖွဲ့တွေရဲ့ လူနည်းစုဝင်တွေအပေါ် ကိုင်တွယ်ဆောင်ရွက်ပုံနဲ့ပတ်သက်လို့ ငြင်းခုံစရာတွေ ရှိလာတာပါ။ VOA သတင်းထောက် Celia Mendoza ပေးပို့ထားတဲ့သတင်းလွှာကို မအိသန့်စင်က တင်ပြထားပါတယ်။