ရန်ကုန်၊ မေ ၁၈

 အစိုးရမှ ဒုတိယအကြိမ်ထောက်ပံ့မှုပေးရန် ပုံမှန်ဝင်ငွေမရှိသူအခြေခံလူတန်းစားများ၏စာရင်းကို ရန်ကုန်တိုင်းဒေသကြီးအတွင်းရှိ ရပ်ကွက်ကျေးရွာအလိုက်စတင်ကောက်ခံနေပြီဖြစ်ကြောင်း စာရင်းကောက်ယူမှုတွင်ပါဝင် သော တာဝန်ရှိသူများထံမှသိရသည်။

အစိုးရအနေနဲ့ ပထမအကြိမ်ထောက်ပံ့မှုကို ငွေကျပ်တစ်သောင်းခွဲတန်ဖိုးရှိအခြေခံစားသောက်ကုန်တွေပေးဝေခဲ့ပြီးယခုတစ်ကြိမ်ထောက်ပံ့မှုမှာတော့ငွေကျပ်သုံးသောင်းဖြစ်သည့်ငွေကြေးထောက်ပံ့မှုသာပေးမည်ဖြစ်သည်
ထောက်ပံ့ကြေးပေးရန်ယခုစာရင်းကောက်ယူမှုတွင် အလုပ်အကိုင်နှင့်ခွဲခြားကောက်ယူမှုမျိုးမလုပ်တော့ဘဲ ရပ်ကွက်အတွင်းနေထိုင်သောအိမ်ထောင်စုအရေအတွက်အားလုံးကို ကောက်ယူပြီးရန်ကုန်တိုင်းဒေသကြီး အစိုးရထံတင်ပြထားကြောင်း လက်လုပ်လက်စားအများဆုံးရှိသည့်မြို့နယ်တစ်ခုဖြစ်သောတောင်ဒဂုံမြို့နယ် တိုင်းဒေသကြီးလွှတ်တော်ကိုယ်စားလှယ် ဦးသိန်းနိုင်ကပြောသည်။

“အခုတစ်ခါ ကောက်တာကတော့ လဝကရဲ့ သန်ခေါင်စာရင်းအရ အိမ်ထောင်စုစာရင်းရှိတဲ့သူအကုန်လုံးကို ကောက်လိုက်တာ အကုန်တင်ပေးလိုက်တာ အခြေခံလူတန်းစားရယ်လို့မဟုတ်ဘဲ အားလုံးကိုတောင်းတော့ ကောက်ပေးရတယ် ပထမတစ်ခေါက်ကတော့ အခြေခံလူတန်းစားပေါ့ တချို့တွေလည်း အဆင်ပြေတယ်ထင်ပြီး ကျန်ခဲ့တာတွေရှိတာပေါ့”ဟု၎င်းက ဆိုသည်။

 ပထမအကြိမ်ပေးဝေစဉ်တုန်းကတော့ အမှန်တကယ်အလုပ်အကိုင်မရှိသူတွေရဲ့စာရင်းမပါဘဲ ငွေကြေးတတ်နိုင်သူတွေရဲ့စာရင်းတွေပါနေတာကို ပြည်သူအချိုဲ့ကဝေဖန်ခဲ့ကြသည်။ထို့ကြောင့် ဒီတစ်ကြိမ်မှာတော့ စနစ်ကျတဲ့ပေးဝေမှုမျိုးရှိသင့်တယ်ကြောင်းသိရသည်။

လတ်တလောစာရင်းကောက်ယူမှုတွင် တောင်ဒဂုံ၊ ရွှေပြည်သာအစရှိသောမြို့နယ်အချို့တွင် စာရင်းကောက်ယူပြီးစီးကာတိုင်းဒေသကြီးအစိုးရထံတင်ပြထာပြီး ကျန်မြို့နယ်များမှာတော့ ဆက်လက်ကောက်ယူဆဲ ဖြစ်သည်။
 အစိုးရအနေဖြင့်ပုံမှန်ဝင်ငွေမရှိသည့် အခြေခံလူတန်းစားများအားငွေကြေးထောက်ပံ့ပေးမည့် အစီအစဉ်ကို တစ်လအတွင်း အကောင်အထည်ဖော်သွားမည်ဖြစ်ကြောင်း မေလ ၁၆ရက်နေ့ကပြုလုပ်တဲ့ သမ္မတရုံး သတင်းစာရှင်း လင်းပွဲတွင် သမ္မတရုံးပြောရေးဆိုခွင့်ရှိသူဦးဇော်ဌေးကပြောသည်။

ပထမအကြိမ် သင်္ကြန်ပိတ်ရက်ကာလအတွင်း စားနပ်ရိက္ခာထောက်ပံ့မှုတွင်တစ်နိုင်ငံလုံးရှိ အိမ်ထောင်စုပေါင်း လေးသန်းနီးပါးကို ထောက်ပံ့နိုင်ခဲ့ကာ နိုင်ငံတော် ဘဏ္ဍာငွေကျပ် ၅၀ ဒသမ ၈၄၄ ဘီလီယံသုံးစွဲခဲ့ကြောင်းသိရ သည်။