မြန်မာ့ကုန်သွယ်မှု မြင့်တင်ရေးအဖွဲ့ (MYANMAR TRADE) အဖွဲ့ကို တောင်ကိုရီယား နိုင်ငံ၏ အကူ အညီဖြင့် ဖွဲ့စည်းရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ပြင်ဆင်ဆောင်ရွက်နေကြောင်း ယင်း ဝန်ကြီး ဌာန၏ အမြဲတမ်းတမ်းအတွင်းဝန် ဦးတိုးအောင်မြင့်ကပြောသည်။
“ကုန်သွယ်မှု မြင့်တင်ရေးနှင့် စားသုံးသူကာကွယ်ရေး ဦးစီးဌာနကနေပြီးတော့ ခွဲထွက်ပြီးဖွဲ့မှာပါ၊ ဖွဲ့ဖို့ အတွက်ကို ဖွဲ့စည်းပုံဆွဲနေပြီ” ဟု နိုဝင်ဘာလ(၅)ရက်နေ့ က နေပြည်တော်ရှိ စီးပွားကူးသန်းဝန်ကြီးဌာနရုံးတွင် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့ခြင်းဖြစ်သည်။
မြန်မာ့ ကုန်သွယ်မှု မြင့်တင်ရေးအဖွဲ့ (MYANMAR TRADE)ဖွဲ့စည်းရန်အတွက် လုပ်ငန်းစဉ်များကို တောင် ကိုရီးယားနိုင်ငံ၏ အဖွဲ့စည်းဖြစ်သည်Kotra နှင့်တွဲ၍ဆောင်ရွက်မည်ဖြစ်ပြီး မြန်မာ-ကိုရီယားနှစ်နိုင်ငံသမ္မတများ ၏ သဘောတူညီချက်မှ စတင်၍ မြန်မာ့ကုန်သွယ်မှုမြှင်တင်ရေးအဖွဲ့(MYANMAR TRADE) ဖွဲ့စည်းရန် ဖြစ်လာ ခြင်းဖြစ်ကြောင်း အမြဲတမ်းအတွင်း ဝန် ဦးတိုးအောင်မြင့်က ပြောသည်။
မြန်မာနိုင်ငံဘက်မှ မြန်မာ့ကုန်သွယ်မှုမြှင်တင်ရေးအဖွဲ့(MYANMAR TRADE)ဖွဲ့စည်းပြီးလျင်တောင်ကို ရီးယားနိုင်ငံမှ နည်းပညာများအကူအညီပေးပြီးဖြစ်ပြီး လက်ရှိတွင် ဝန်ထမ်း(၁၀၀)ဦးကို မြန်မာ့ကုန်သွယ်မှုမြှင် တင ်ရေးအဖွဲ့(MYANMAR TRADE) အတွက် တောင်ကိုရီးယားနိုင်ငံသို့ ပညာသင်ရန်စေလွှတ်မည်ဖြစ်ကြောင်း အမြဲတမ်းအတွင်းဝန် ဦးတိုးအောင်မြင့်က ပြောသည်။
“ အခြေခံအရ ဒီလုပ်ငန်းစဉ်အပေါ်မှာ နိုင်ငံတကာနှင့်ချိန်ဆက်ပြီးတော့ ပရိုမိုးရှင်းလုပ်တဲ့အခါမှာ လက်နိုင်တဲ့ အဆင့်ရှိတဲ့ လူတွေကို ပြည်တွင်းမှာရွေးချယ်ပြီးတော့လွှတ်ပေးပါတယ် ” ဟု ၎င်းကပြောသည်။
ဖွဲ့စည်းရန်ပြင်ဆင်နေသည့် မြန်မာ့ကုန်သွယ်မှုမြှင်တင်ရေးအဖွဲ့(MYANMAR TRADE)ကို သီးခြား လွတ် သည့် အဖွဲ့အည်းအဖြစ် ဆောင်ရွက်နိုင်ခြင်းမရှိသေးကြောင်းနှင့်ပထမအဆင့်အဖြစ် စီးပွားကူးသန်းဝန်ကြီးဌာန အောက် ၌ ညွှန်ကြားရေးမှူးချုပ်ဦးစီးသည့် ဌာနတစ်ခုဖြစ် စတင်ဖွဲ့စည်းဖို့အတွက် လက်ရှိဆောင်ရွက်နေ ကြောင်း ကုန်သွယ်မြှင့်တင်ရေးနှင့်စာသုံးကာကွယ်ရေးဦးစီးဌာနမှ တာဝန်ရှိတစ်ဦးကပြောသည်။
