ပြီးခဲ့တဲ့ ရက်ပိုင်းအတွင်းမှာ ဖေ့စ်ဘွတ်ခ် လူမှုကွန်ရက်စာမျက်နှာပေါ်မှာ စိတ်ဝင်စား စရာ သတင်း တစ်ခု ပျံ့နှံ့နေသည်ကို တွေ့ရှိခဲ့ရပါသည်။ ထိုသတင်းကတော့ ပြည်သူ့ရှေ့ဆောင်ပါတီ(PPP)ဥက္ကဋ္ဌ ဒေါက်တာသက်သက်ခိုင်သည် လာမည့် ၂၀၂၀ အထွေထွေရွေးကောက်ပွဲတွင် အမေရိကန် ဒေါ်လာသန်း ၇၀၀ အသုံးပြု၍ သမ္မတနေရာကို အရယူသွားမည်ဆိုသည့် သတင်းပဲ ဖြစ်ပါသည်။
ထိုသတင်းသည် လူမှုကွန်ရက်စာမျက်နှာပေါ်မှာ ပျံ့နှံ့လျက်ရှိပြီး သတင်း မှန်ကန်မှု ရှိ/မရှိကိုတော့ ဆန်းစစ်သူ နည်းပါးခဲ့ပါသည်။
ထို့ကြောင့် ၂၀၂၀ အထွေထွေရွေးကောက်ပွဲနှင့် ပတ်သက်ပြီး ပြည်သူ့ရှေ့ဆောင်ပါတီ(PPP) အနေဖြင့် မည်သို့ ကြိုတင် ပြင်ဆင်မှုများ ပြုလုပ်နေသလဲ၊ မည်သည့် ရည်မှန်းချက်များ ရှိနေသလဲဆိုခြင်းအပေါ် မဇ္ဈိမ မီဒီယာမှ သတင်းထောက် အုပ်မှူးဇော်က ပြည်သူ့ရှေ့ဆောင်ပါတီ(PPP)ဥက္ကဋ္ဌ ဒေါက်တာ သက် သက်ခိုင်ကို တိုက်ရိုက် ဆက်သွယ် မေးမြန်းထားပါသည်။
