၂၀၁၆ ခုနှစ်မှာ သမ္မတ Donald Trump ကို အကြီးအကျယ် ထောက်ခံမဲပေးခဲ့ကြတဲ့ အမေရိကန် ပြည်သူတွေကြားက လယ်သမားတွေ အနေနဲ့ လာမယ့်နှစ် သမ္မတ ရွေးကောက်ပွဲ ကျင်းပဖို့ ရှိနေချိန် အတွင်း စီးပွားရေး အခက်ကြုံနေကြရပါတယ်။ စိုက်ပျိုး မွေးမြူရေး ကုန်ကျစာရိတ် ကြီးလာမှု၊ အကျိုးအမြတ် နည်းလာတာနဲ့ အတူ ကုန်သွယ်ရေး အဝန်းအဝိုင်းမှာလည်း မရေရာမှုတွေနဲ့ ကြံုတွေ့လာရတာကြောင့်လို့ ဗွီအိုအေ သတင်းထောက် Kane Farabaugh က သတင်းရေးသား ပေးပို့လာပါတယ်။ မသိင်္ဂီထိုက် ပြောပြပေးမှာပါ။