ရေမြောင်းတွေ ပိတ်ဆို့စေပြီး ကမ္ဘာတဝှမ်း ဂေဟစနစ်တွေကို ပျက်စီးနေစေတဲ့ ပလတ်စတစ်အမှိုက်တွေကို ရှင်းနိုင်ဖို့ နည်းလမ်းသစ်တွေ ရှာဖွေနေကြပါတယ်။ အာဖရိကအနောက်ပိုင်းနိုင်ငံ Ivory Coast မှာတော့ ကုလသမဂ္ဂကလေးသူငယ်များရန်ပုံငွေအဖွဲ့က ကိုလံဘီယာကုမဏီတခုနဲ့ ပူးပေါင်းပြီး ပလတ်စတစ်အမှိုက်ပုံကြီးကနေ ကျောင်းဆောက်ပေးခဲ့ပါတယ်။ အာဖရိကက ပလတ်စတစ်နဲ့ ဆောက်ထားတဲ့ကျောင်းအကြောင်း VOA သတင်းထောက် Arash Arabasadi ပေးပို့တဲ့ သတင်းလွှာကို မညိုညိုလွင်က ပြောပြပေးပါလိမ့်မယ်။