တပ်မတော်က နိုင်ငံတော်အကြည်ညိုပျက်စေမှုဖြင့် ဖမ်းဆီးထိန်းသိမ်း တရားစွဲဆိုထားသော ဒေါင်းတို့မျိုးဆက်သံချပ်အဖွဲ့ရုံးထုတ်တွင် ဝန်းရံခဲ့သူများအနက်မှ မနီလာသိန်း အပါအဝင် ၅ဦးကို ပုဒ်မ၄ခုဖြင့် ဇူလိုင်လ၂၃ရက်နေ့ ဗိုလ်တစ်ထောင်မြို့နယ်တရားရုံး၌ တရားစွဲဆိုသွားမည် ဖြစ်ကြောင်း သတင်းရရှိသည်။
တရားစွဲတင်ခံရသူ၅ဦးမှာ မနီလာသိန်း(၈၈မျိုးဆက်ငြိမ်း/ပွင့်)၊ ရှားယမုန်(အသံအဖွဲ့)၊ နန်းလင်း(ဒဂုံတက္ကသိုလ်ကျောင်းသားသမဂ္ဂဥက္ကဋ္ဌဟောင်း)၊ နိုင်ကိုသူ(ဒေါင်းတို့မျိုးဆက်)၊ မင်းဟန်ထက််(ဒဂုံတက္ကသိုလ်ကျောင်းသား) တို့ကို ပုဒ်မ ၃၅၃ ပြည်သူ့ဝန်ထမ်းတာဝန်ထမ်းဆောင်စဉ် လက်ရောက်မှု၊ ပုဒ်မ ၃၃၂ ပြည်သူ့ဝန်ထမ်းတာဝန်ထမ်းဆောင်စဉ် သာမန်ဒဏ်ရာရရှိစေမှု၊ ပုဒ်မ ၁၁၄ အားပေးကူညီမှု၊ ပုဒ်မ ၁၈၆ အလုပ်ဝတ္တရားနှောင့်ယှက်မှုတို့ဖြင့် ရုံးတင်သွားမည်ဖြစ်ကြောင်း သိရသည်။
