ကလေးချင်း ကျူးလွန်သော သက်ငယ်အဓမ္မမှု မကွေးတွင် ဖြစ်ပွား

ကလေးချင်း ကျူးလွန်သော သက်ငယ်အဓမ္မမှု မကွေးတွင် ဖြစ်ပွား

မကွေး၊ ဇူလိုင် ၂၁ ။         ။ မကွေးတိုင်းဒေသကြီး၊ မကွေးမြို့ပေါ်ရှိ ရပ်ကွက်တစ်ခုတွင် ၁၁ နှစ်အရွယ်မှ အသက် ၄ နှစ်ခန့်ရှိသူ မိန်းကလေးငယ်ကို လိင်ပိုင်းဆိုင်ရာ အဓမ္မပြုကျင့်မှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ဇူလိုင် ၁၈ ရက် က ဖြစ်ပွားခဲ့ခြင်းဖြစ်ပြီး မိန်းကလေးငယ်အား မေးမြန်းရာ ခရေပန်းကောက်ရန်ဟုပြောဆိုခေါ်ဆောင်၍ ယင်းကဲ့သို့ ပြုကျင့်ခဲ့ကြောင်း ပြောဆိုခဲ့သည်ဟု ရဲထုတ်ပြန်ချက်အရ သိရသည်။

“ လတ်တလောအနေနဲ့ တရားလို၊ သက်သေနဲ့ အခင်းဖြစ်နေရာတွေကို သွားရောက်စစ်ဆေးခဲ့ပြီးဖြစ်ပါတယ်။ ကျုးလွန်ခံရသူ သမီးငယ်ကိုလည်း ရဲဆေးစာ၊ မိသားစုခွင့်ပြုချက်စာနဲ့အတူ မကွေးတိုင်းပြည်သူ့ဆေးရုံကြီးကိုဆေးစစ်ထင်မြင်ချက်ပေးနိုင်ဖို့ ပို့ဆောင်ထားရှိခဲ့ပါတယ်။ သမီးငယ်လေးရဲ့ အကျႌ၊ စကတ်၊ မွေးစာရင်းမိတ္တူ(၁)စောင်ကို သက်သေများရဲ့ရှေ့မှာ ရှာဖွေပုံစံနဲ့ သိမ်းဆည်းထားပြီးဖြစ်ပါတယ်” ဟု မကွေးနယ်မြေရဲစခန်းမှ တာဝန်ရှိသူတစ်ဦးက ပြောသည်။

လက်ရှိတွင် ၁၁ နှစ်အရွယ် ယောကျ်ားလေးကို ဆေးစစ်ချက် ထင်မြင်ချက်ပေးရန် တိုင်းပြည်သူ့ဆေးရုံကို ပို့ဆောင်ထားပြီး အသက်မပြည့်သေးသည့်အတွက် မိဘအုပ်ထိန်းသူထံ ခံဝန်ပေးထားကြောင်း သိရှိရသည်။ 

ဖြစ်စဉ်နှင့်ပတ်သက်ပြီး ၁၁ နှစ်အရွယ် ယောကျ်ားလေးဖြစ်သူကို မကွေးနယ်မြေရဲစခန်းမှ (ပ) ၅၃၅/၁၉ ၊ ရာဇသတ်ကြီးပုဒ်မ ၃၇၆ ဖြင့် အမှုရေးဖွင့်ထားကြောင်း သိရသည်။

 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly