မနီလာ၊ ဧပြီ ၂၂ ။ ။ ဖိလစ်ပိုင်နိုင်ငံ မနီလာမြို့တော်မှာ ပြင်းအား ၆ ဒသမ ၃ အဆင့်ရှိ အားပြင််းငလျင် လှုပ်တာကြောင့် အဆောက်အအုံတွေ ယိမ်းခါပြီး လူတွေလည်း ဘေးလွတ်ရာ ထွက်ပြေးမှုတေတွ ဖြစ်ပွားပါတယ်။
ဒေသစံတော်ချိန် ညနေ ၅ နာရီ ၁၁ မိနစ်မှာ မြို့ရဲ့ အနောက်မြောက်ပိုင်း ၃၇ မိုင်အကွာမှာ မြေအောက် ၂၅ မိုင်အနက်မှာ ငလျင်ဗဟိုပြု လှုပ်တာဖြစ်ပြီး မြို့တော်ရဲ့ အချက်အခြာစည်ကားရာ အရပ်က အဆောက်အအုံတွေ ယိမ်းခါခဲ့တာပါ။
အမေရိကန် ဘူမိတိုင်းတာရေးက အစပိုင်းမှာ ဒီ ငလျင်က ပြင်းအား ၆ ဒသမ ၄ အဆင့်ရှိတယ် ထုတ်ပြန်ပေမယ့် နောက်ပိုင်းမှာ အဆင့်လျှော့ချခဲ့ပါတယ်။
ငလျင်ဘေးအတွင်း သေဆုံးပျက်စီးမှု သတင်း လတ်တလော မကြားသိရသေးပါ။ တစ်ချို့လူတွေကတော့ ရုံးတွေထဲကနေ ဘေးလွတ်ရာ ပြေးထွက်ကြတာကိုလည်း တွေ့ရပါတယ်။
ဖိလစ်ပိုင်နိုင်ငံဟာ ပစိဖိတ် မီးတောင်နဲ့ ငလျင်ရပ်ဝန်းအရပ်မှာ တည်ရှိတဲ့ နိုင်ငံတစ်နိုင်ငံလည်း ဖြစ်ပါတယ်။
