ရန်ကုန်၊ ဇန်နဝါရီလ ၃၀ ။ ။ ၂၀၁၈ ခုနှစ် ရာသီ၏ စင်ကာပူပရီးမီးယားလိဂ်ချန်ပီယံ Albirex Niigata FC အသင်းသည် မတ်လ ၇ ရက်နေ့တွင် ရန်ကုန်မြို ့သုဝဏ္ဏဘောလုံးကွင်းတွင် ပမဏရွေးချယ်ထားသည့် မြန်မာ့လက်ရွေးစင် ယူ-၂၂ ၊ယူ၁၉ အသင်းတို့နှင့် ခြေစမ်းပွဲလာရောက်ကစားမည်ဖြစ်ကြောင်း မြန်မာနိုင်ငံဘောလုံးအဖွဲ ့ချုပ်မှ သိရသည်။
အဆိုပါ စင်ကာပူ ပရီးမီးယားလိဂ် ချန်ပီယံ Albires Niigata Fc အသင်းသည် ဂျပန်ကလပ်အသင်း တစ်သင်းဖြစ်ပြီး စင်ကာပူ ပရီးမီးယားလိဂ်တွင်ဝင်ရောက်ယှဉ်ပြိုင်ကစားနေတာဖြစ်သလို စင်ကာပူ ပရီးမီးယားလိဂ်ချန်ပီယံဆုကို ၃ ကြိမ်ဆက်တိုက် ရရှိထားကြောင်း သိရသည်။ ထိုအသင်းတွင် ပါဝင်သောကစား သမားအများစုမှာ ဂျပန်ကစားသမားများဖြစ်ကြပြီး စင်ကာပူနိုင်ငံသား ၄ ဦးသာ ပါဝင်ကြောင်း သိရသည်။
Albirex Niigata FC Singapore ကို ၂၀၀၄ ခုနှစ်တွင် စတင်တည်ထောင်ခဲ့ပြီး လက်ရှိအချိန်တွင် စင်ကာပူလိဂ် ချန်ပီယံကို ၂၀၁၆ ၊၂၀၁၇ ၊ ၂၀၁၈ သုံးနှစ်ဆက်ရရှိထားကာ လိဂ်ဖလား၄ ကြိမ်၊ ရှုံးထွက်ဖလား ၄ ကြိမ် ရရှိထားသည့်အသင်းတစ်သင်းဖြစ်သည်။
မတ်လ ၇ ရက်နေ့တွင် ပဏာမရွေးချယ်ထားသည့် မြန်မာ ယူ - ၁၉ အသင်း နှင့် Albirex Niigata FC အသင်း တို့ ယှဉ်ပြိုင်ကစားမည်ဖြစ်ပြီး မတ် ၉ ရက်နေ့တွင် ပဏာမ ရွေးချယ်ထားသည့် မြန်မာယူ -၂၂ အသင်း နှင့် Albires Niigata Fc Singapore အသင်းတို ့သုဝဏ္ဏ ဘောလုံးကွင်းတွင်ဆက်လက်ကစားသွားမည်ဖြစ်သည်။
၂၀၁၉ ခုနှစ် မတ်လ ၂၂ ရက်နေ့တွင် စတင်ကျင်းပမည်ဖြစ်သော ၂၀၁၉ အာဆီယံ ယူ ၂၂ ချန်ပီယံရှစ် ပြိုင်ဝင်ရောက်ယှဉ်ပြိုင်မည့် မြန်မာအသင်းသည် အိမ်ရှင် ကမ္ဘောဒီးယား၊ မလေးရှား၊ အင်ဒိုနီးရှားအသင်းတို့နှင့် တစ်အုပ်စုတည်းကျရောက်နေသည်။