ဇန်နဝါရီလ ၃၀ ။ ။ ၂၀၁၉ အာဆီယံယူ- ၂၂ ချန်ပီယံရှစ်ပြိုင်ပွဲ ယှဉ်ပြိုင်ရန် ပမာဏအနေဖြင့် မြန်မာ ယူ- ၂၂ အသင်းအတွက် ကစားသမား ၂၈ ဦးကို ရွေးချယ်ထားကြောင်း မြန်မာ့နိုင်ငံဘောလုံးအဖွဲ့ချုပ်က သတင်းထုတ်ပြန်သည်။
ပမာဏဖွဲစည်းထားသည့် ယူ-၂၂ အသင်းတွင် ရှမ်းယူနိုက်တက်အသင်းနှင့် ရန်ကုန်အသင်းတို့မှ ကစားသမား အများဆုံး ပါပြီး ရန်ကုန်အသင်းမှ ကောင်းထက်စိုး၊ လွှမ်းမိုးဦး၊ ဇော်ဝင်းသိန်းနှင့် ထူးခန့်လွင်တို့ ကစားသမားလေးဦးအထိပါဝင်ပြီး ရှမ်းယူနိုက်တက် အသင်းမှ ဘုန်းသစ္စာမင်း ရဲမင်းသူ၊ ဟိန်းဖြိုးဝင်း၊ ဇွဲသက်ပိုင်၊ ထက်ဖြိုးဝေတို့ ပါဝင်သည်ဟု ၎င်းထုတ်ပြန်ချက်တွင် ဖော်ပြထားသည်။
ပမာဏ ရွေးချယ်ထားသည့် မြန်မာယူ၂၂ တွင် ကစားသမားအသစ်များ ပါဝင်ပြီး ယူ-၂၂ အသင်းအနေဖြင့် လာမည့် ဖေဖော်ဝါရီလ ၄ ရက်နေ့တွင် စတင်လေ့ကျင့်မည်ဖြစ်ကာ ပြိုင်ပွဲအတွက် လေ့ကျင့်ချိန် သီတင်းပတ် နှစ်ခုနီးပါးသာ လေ့ကျင့်ချိန် ရမည်ဖြစ်သည်။
ယူ-၂၂အသင်းကို နည်းပြချုပ် ပိုပေါ့ဗ်နှင့် လက်ထောက်နည်းပြချုပ် ဦးချစ်နိုင်အပြင် ယူ ၁၈ အသင်းနည်းပြချုပ်ဖြစ်သည့် ဦးစိုးမြတ်မင်းကလည်း လက်ထောက်နည်းပြချုပ်အဖြစ် ပူးတွဲတာဝန်ယူမည်ဟု သိရသည်။
၂၀၁၉ ခုနှစ် မတ်လ ၂၂ ရက်နေ့တွင် စတင်ကျင်းပမည်ဖြစ်သော ၂၀၁၉ အာဆီယံ ယူ ၂၂ ချန်ပီယံရှစ်ပြိုင်ပွဲ၌ မြန်မာအသင်းသည် အိမ်ရှင် ကမ္ဘောဒီးယား၊ မလေးရှား၊ အင်ဒိုနီးရှားအသင်းတို့နှင့် အုပ်စုတစ်ခုတည်း ကျရောက်နေသည်။
