ရန်ကုန် ဇန်နဝါရီ ၁၉ ။ ။ ဖားကန့် မြို့နယ်တွင် ဒေသကာလပေါက်စျေးတန်ဖိုးငွေကျပ် ၄၅.၆ သိန်း တန်ဖိုးရှိ ဘိန်းဆီခဲ ၉၅၀ ဂရမ် ကို ဖမ်ဆီးရမိခဲ့သည်။
ဇန်နဝါရီ ၁၈ရက်နေ့တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(၃)မိုးညှင်းမှ တပ်ဖွဲ့ဝင်များသည် ဖားကန့်မြို့မရဲစခန်းမှ တပ်ဖွဲ့ဝင်များနှင့်ပူးပေါင်း၍ သတင်းအရ သက်သေများနှင့်အတူ ဖားကန့်မြို့နယ်၊ အောင်စုကျော်ကျေးရွာအနီး၊ မှော်လကင်-ဘွမ်နန် သွားလမ်းမပေါ်တွင် မှော်လကင်ဘက်မှ ဘွမ်နန်ဘက်သို့ မိုးညှင်း မြို့၊ အောင်သပြေ(၂)ရပ်ကွက်နေ တင်ရှိအောင်(ခ)အဟောင် ၄၅ နှစ် စီးနင်းမောင်းနှင်လာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေခဲ့သည်။
ထိုသို့ ရှာဖွေစဉ် ၎င်းလွယ်ထားသည့်အိတ်အတွင်းမှ ကြွတ်ကြွတ်အိတ်ဖြင့် ထည့်ထားသည့် ဒေသကာလပေါက်စျေးတန်ဖိုးငွေကျပ် ၄၅.၆ သိန်း တန်ဖိုးရှိ ဘိန်းဆီခဲ ၉၅၀ ဂရမ် ကိုတွေ့ရှိသိမ်းဆည်းရမိခဲ့သည်။
ယင်းအမှုနှင်႔ပတ်သက်ပြီး အဆိုပါ ဘိန်းစိမ်းများအား ရောင်းချခိုင်းသူ ဖားကန့်မြို့နယ်၊ ဆိပ်မူကျေးရွာအုပ်စု၊ မှော်လကင်ကျေးရွာနေ မကြူကြူ ၄၈ နှစ်အား ၎င်း၏ နေအိမ်တဲ၌ ဖမ်းဆီးရမိခဲ့သည်။
အဆိုပါ ပြစ်မှုကျူးလွန်သူများကို ဖားကန့်မြို့မရဲစခန်းတွင် မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များ ဖော်ထုတ်စစ်ဆေးလျက် ရှိကြောင်း သိရသည်။