ရန်ကုန်တိုင်းတွင် MSMEs စီပွားရေးလုပ်ငန်းရှင် သုံးသောင်းကျော်ဖြင့် လည်ပတ်နေဟု ဝန်ကြီးချုပ်ဆို

ရန်ကုန်တိုင်းတွင် MSMEs စီပွားရေးလုပ်ငန်းရှင် သုံးသောင်းကျော်ဖြင့် လည်ပတ်နေဟု ဝန်ကြီးချုပ်ဆို

နိုဝင်ဘာ ၁၆ ။           ။ ရန်ကုန်တိုင်းဒေသကြီး အဓိကစီးပွားရေးသည် အသေးစား၊ အငယ်စားနှင့် အလတ်စား စီပွားရေးလုပ်ငန်းများ (MSMEs) ဖြစ်ပြီး စာရင်းပေးသွင်းထားသူဦးရေ သုံးသောင်းကျော်ရှိကြောင်း ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း ကပြောသည်။

"Digital နည်းပညာတွေအသုံးပြုပြီး စာရင်းပြုစုထားတာရှိပါတယ်။ စာရင်းပေးသွင်းထားသူဦးရေ သုံးသောင်း ကျော်ရှိပါတယ်။ လုပ်ငန်းရှင် သုံးသောင်းကျော် လည်ပတ်နေတဲ့ တိုင်းကြီးဖြစ်ပါတယ်။ ဒီအပြင်ပိုမိုများပြားတဲ့ အရေအတွက်ရှိနိုင်ပါတယ်" ဟု ဦးဖြိုးမင်းသိန်း ကပြောသည်။

အသေးစား၊ အငယ်စားနှင့် အလတ်စား စီပွားရေးလုပ်ငန်းများ (MSMEs) သတ္တမအကြိမ် ဒေသတွင်းထုတ် ကုန်ပြပွဲနှင့် ပြိုင်ပွဲကို နိုဝင်ဘာ ၁၆ ရက် က ရန်ကုန်တိုင်းဒေသကြီး သာကေတမြို့နယ် Fortune Plaza တွင် ကျင်းပခဲ့သည်။

ရန်ကုန်တိုင်းဒေသကြီးသည် မြန်မာနိုင်ငံတွင် လူဦးရေအများဆုံးနေထိုင်ပြီး စီးပွားရေးလုပ်ငန်းအများစု အခြေချ တည်ရှိသည့် ပင်လယ်ဆိပ်ကမ်းမြို့ဖြစ်ခြင်းကြောင့် ရန်ကုန်မြို့သည် (MSMEs) လုပ်ငန်းများ၏ ကုန်သွယ်မှု ဝန် ဆောင်မှု ကုန်ထုတ်လုပ်မှုများ စျေးကွက်ရပ်ဝန်းဖြစ်ကြောင်း အသေးစား၊ အငယ်စားနှင့် အလတ်စား စီပွားရေး လုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီ ဥက္ကဋ္ဌ၊ နိုင်ငံတော် ဒုတိယ သမ္မတ(၁) ဦးမြင့်ဆွေ ကပြော ကြားသည်။

ယခုကဲ့သို ပြပွဲများကျင်းပခြင်းကြောင့် ဒေသတွင်း ထုတ်ကုန်များ စျေးကွက်ရရှိပြီး နည်းပညာလိုအပ်ချက်များ ပေါင်းစပ်ဖလှယ်မှုများပြုလုပ်နိုင်မည်ဟု ပြပွဲတွင် ဝင်ရောက်ပြသသော REPASSA ကုမ္ပဏီမှ မန်းနေဂျင်းဒါရိုက် တာ ဦးဇာနည်မောင်မောင် ကပြောသည်။

"နိုင်ငံတွင်းမှာ ထုတ်တဲ့ထုတ်ကုန်တွေမှာ အချင်းချင်းစျေးကွက်တွေရရှိဖို့အတွက်ကော နောက်ပြီးပြည်တွင်း ကော ပြည်ပကော ရန်ကုန်ဆိုရင် တစ်ခုအားသာတာ ဒီဘက်မှာ နိုင်ငံခြားသံရုံးတွေ နိုင်ငံခြား စီးပွားရေးအဖွဲ့ အစည်းတွေ ရှိတယ်။ လုပ်ငန်းရှင်တွေလည်းများတယ်" ဟု ဦးဇာနည်မောင်မောင် ကပြောသည်။

သတ္တမအကြိမ်မြောက် ကျင်းပသော အဆိုပါပြပွဲတွင် ပြခန်းစုစုပေါင်း ၃၁၂ခန်းပါဝင်ပြသထားပြီး ဝန်ကြီး ဌာနပြခန်း ၈ခန်း ပါဝင်ကြောင်းသိရသည်။  ပထမအကြိမ်ဒေသတွင်းထုတ်ကုန်ပြပွဲနှင့် ပြိုင်ပွဲကို မန္တလေးမြို့တွင် ၂၀၁၈ခုနှစ် ဖေဖော်ဝါရီ ၂၃ရက်က ကျင်းပခဲ့ကြောင်း သိရသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly