မြန်မာနှင့် အိန္ဒိယအကြား ခရီးသွားများအတွက် ဆိုက်ရောက်ဗီဇာ ရရှိဖို့ အချိန်ကျပြီ

.

 ဓာတ်ပုံ - EPA
 

မြန်မာနိုင်ငံသည် အာရှတိုက်၏ မဟာဗျူဟာကျသော လမ်းဆုံလမ်းခွ နေရာတွင် ရှိနေသည်။

အိန္ဒိယ တိုက်ငယ်နှင့် အရှေ့နှင့် အရှေ့တောင်အာရှတို့အကြား ချိတ်ဆက်သွယ်ပေးထားသည်။ ယင်းသည် အာရှဒေသတွင်းရှိ မတူညီသော လူများအကြား ဆုံမှတ်တစ်ခုသဖွယ် ရပ်တည်နေသကဲ့သို့ တူညီသည့် ယဉ်ကျေးမှု၊ သမိုင်းနှင့် စံတန်ဖိုးများကိုလည်း  ဆက်သွယ်ပေးထားသည်။

ယင်းအတွက်ကြောင့်လည်း မြန်မာအနေဖြင့် ကမ္ဘာတွင် အတက်ကြွဆုံးသော ယင်း အာရှဒေသ၏ ဖွံ့ဖြိုးရေး အတွက် ပြည်သူအချင်းချင်းအကြား အပြန်အလှန် ကူးလူးဆက်ဆံမှုကို ပိုမိုအဆင်ပြေချောမွေ့စေရန် တတ်စွမ်းသမျှ လုပ်ဆောင်သွားသင့်သည်။

ယင်းအကြောင်းရင်းအတွက်ကြောင့်လည်း မြန်မာနှင့် အိန္ဒိယတို့အနေဖြင့် ခရီးသွားများအတွက် ဆိုက်ရောက်ဗီဇာ မူဝါဒများကို အပြန်အလှန် ထူထောင်ချမှတ်သင့်နေပြီဟု မိမိတို့အနေဖြင့် အခိုင်အမာ ယုံကြည်မိပါသည်။

အိန္ဒိယနှင့် မြန်မာတို့အကြား ကီလိုမီတာ ၁,၅၀၀ ရှိ နယ်စပ်နယ်နမိတ်ချင်း ထိစပ်နေလျက်ရှိသည်။ ကုလသမဂ္ဂ ကမ္ဘာ့ခရီးသွားအဖွဲ့ချုပ် UNWTO ၏ ခန့်မှန်းချက်အရ အိန္ဒိယ၏ ပြည်ပထွက် ခရီးသွားလာမှုသည် ၂၀၂၀ မတိုင်ခင် နှစ်ဆတိုးပြီး ခန့်မှန်းခြေအားဖြင့် outbound ခရီးသွားဦးရေ သန်း ၅၀ မျှ ရှိမည်ဟု သိရသည်။

ယင်းပမာဏအတိုင်းသာဆိုပါက အိန္ဒိယသည် ကမ္ဘာပေါ်တွင် အကြီးဆုံးသော outbound ခရီးသွား ဈေးကွက်များထဲက တစ်ခု ဖြစ်လာမည်ဖြစ်သည်။ အလားတူ မြန်မာနိုင်ငံသားများအတွက် outbound ခရီးသွား လုပ်ငန်းသည်လည်း ၂၀၂၁ မတိုင်မီ ခရီးစဉ်ပေါင်း ၁ ဒသမ ၇ သန်းထိ ရှိမည်ဟု ခန့်မှန်းရသည်။ ယင်းကို ၂၀၁၆ ခုနှစ်က ခရီးစဉ်ပေါင်း ၁ သန်းမျှနဲ့ နှိုင်းယှဉ်နိုင်သည်။

အဆိုပါ ကိန်းဂဏာန်းများသာ ဆက်လက်မြင့်တက်လာမည်ဆိုပါက မြန်မာနှင့် အိန္ဒိယတို့အနေဖြင့် ယင်းတို့၏ သက်ဆိုင်ရာ နိုင်ငံများကို အိမ်နီးချင်းများအတွက် အကောင်းဆုံးသော ခရီးသွားနေရာများဖြစ်လာစေရန် ပိုမို ကြိုးပမ်းအားထုတ်မှုများ လုပ်ဆောင်သွားသင့်သည်။

လူဦးရေ ၁ ဒသမ ၃ ဘီလီယံနီးပါးရှိ အိန္ဒိယနိုင်ငံသည် ကမ္ဘာတွင် တတိယအကြီးဆုံး စီးပွားရေးနိုင်ငံ ဖြစ်သည်။

ခန့်မှန်းချက်များအရ အိန္ဒိယတွင် ၀င်ငွေ အလယ်အလတ်တန်းစားရှိ လူဦးရေ သန်း ၃၅၀ မျှ ရှိနေသည်ဟု သိရသည်။ နိုင်ငံစီးပွားရေး တိုးတက်လာသည်နှင့်အမျှ ယင်းကိန်းဂဏာန်းသည်လည်း လိုက်ပါ တိုးတက် လာဦးမည်ပင် ဖြစ်သည်။ တစ်ဦးချင်း ၀င်ငွေ လယ်ဗယ်မြင့်မားလာပြီး လူနေမှုပုံစံများ ပြောင်းလဲလာသည်နှင့် အမျှ အဆိုပါ လူများသည် အားလပ်ရက်များတွင် ပြည်ပသို့ ခရီးထွက် သွားလာမှုများ ပိုမို များပြားလာနိုင်ဖွယ် ရှိနေသည်။

အိန္ဒိယခရီးသွားများ ပျမ်းမျှ ငွေသုံးစွဲမှုပမာဏသည် ဒေါ်လာ ၁,၂၀၀ ဖြစ်ပြီး ယင်းမှာ အမေရိကန် သို့မဟုတ် ဗြိတိန်တို့က ခရီးသွားများ သုံးစွဲသည့် ပမာဏထက်ပင် ပိုများနေသည်။

အလားတူ မြန်မာ့စီးပွားရေးသည်လည်း လာမည့် နှစ်နှစ်အတွင်း တည်ငြိမ်သော တိုးတက်မှု လမ်းကြောင်း တစ်ခုပေါ်တွင် ဆက်ရှိနေဦးမည်ဟု မကြာသေးမီက ထုတ်ပြန်သည့် အာရှဖွံ့ဖြိုးရေးဘဏ် ADB ၏ အစီရင်ခံစာထဲတွင် ပြောထားသည်။

စီးပွားရေး ပြုပြင်ပြောင်းလဲမှု၊ ကမ္ဘာ့စီးပွားရေး တိုးတက်မှုအားကောင်းခြင်း နှင့် နိုင်ငံခြားတိုက်ရိုက် ရင်းနှီးမြှုပ်နှံမှု ၀င်ရောက်မှု မြင့်တက်ခြင်းတို့က မြန်မာ့စီးပွားရေးအတွက် များစွာ အကူအညီဖြစ်စေသည်ဟု ဆိုသည်။

ယင်းအစီရင်ခံစာတွင် နောက်ထပ် ခန့်မှန်းထားသည်က မြန်မာ့စီးပွားရေးသည် ၂၀၁၉ စက်တင်ဘာတွင် ကုန်ဆုံးမည့် ဘဏ္ဍာနှစ်အတွက် ၇ ဒသမ ၂ ရာခိုင်နှုန်းဖြင့် တိုးတက်မည်ဟု ခန့်မှန်းထားခြင်းပင် ဖြစ်သည်။

အိန္ဒိယ နည်းတူ မြန်မာနိုင်ငံ၏ ၅၄ သန်းနီးပါး ပြည်သူများအကြားတွင်လည်း ၀င်ငွေအလယ်အလတ်တန်းစား လူဦးရေ တိုးပွားလာနေပြီး ယင်းက မြန်မာနိုင်ငံသားများ ပြည်ပထွက် ခရီးသွားလာခြင်း၊ အထူးသဖြင့် ဒေသတွင်း ခရီးသွားလာမှုအပေါ် ပိုမိုထောက်ကူစေလျက်ရှိသည်။

အိန္ဒိယခရီးသွားလုပ်ငန်း အကြောင်း ပြန်ဆက်ပြောရလျင် တရားဝင် ကိန်းဂဏာန်းများအရ ၂၀၁၈ ပထမ ရှစ်လအတွင်း မြန်မာနိုင်ငံသို့ လာရောက်လည်ပတ်သည့် အိန္ဒိယ နိုင်ငံသားဦးရေ ၂၈,၅၆၇ ဦး ရှိသည်ဟု သိရသည်။ ယင်းသည် ယခင်နှစ် အလားတူကာလကထက် ၅ ရာခိုင်နှုန်း ပိုများလာခြင်းဖြစ်သည်။

ယင်းကိန်းဂဏာန်းများအရ မြန်မာနိုင်ငံသို့ လာရောက်သည့် အိန္ဒိယခရီးသွားဦးရေမှာ စင်ကာပူ၊ ထိုင်ဝမ်နှင့် မလေးရှားတို့မှ လာရောက်သည့် ဦးရေနှင့်အတူတူ ဖြစ်နေသည်ကို တွေ့ခဲ့ရသည်။ သို့ရာတွင် အစောပိုင်းက မှတ်ချက်ပြုခဲ့သည့် သကဲ့သို့ အိန္ဒိယနိုင်ငံ၏ အရွယ်အစား၊ ကြွယ်ဝမှု တိုးပွားလာနေမှုတို့ကြောင့် အိန္ဒိယ ဆိုက်ရောက်ခရီးသွားဦးရေပိုင်းတွင် နောက်ထပ် ကြီးကြီးမားမား ထပ်တိုးလာနိုင်မည့် အလားအလာများ ရှိနေသည်။

အောက်တွင် ဖော်ပြထားသည့် ဇယားကို ကြည့်မည်ဆိုပါက ခရီးသွားနည်းပါးသည့် ကာလ( ၂၀၁၈ မေလကနေ စက်တင်ဘာအကြား) တွင်လည်း ပျမ်းမျှ အိန္ဒိယနိုင်ငံသား ၃,၅၀၀ ခန့် မြန်မာသို့ လာရောက်လည်ပတ် ထားခဲ့သည်။

 

Capture.JPG
 

နောက်ဆုံးအနေဖြင့် ပြောရလျင် အိန္ဒိယ စီးပွားရေးနယ်ပယ်မှ လုပ်ငန်းရှင်များအနေဖြင့် မြန်မာနိုင်ငံတွင် ဗီဇာ သို့မဟုတ် ဆိုက်ရောက် ၀န်ဆောင်မှုများကို အသုံးချနိုင်နေပြီ ဖြစ်သည်ကို ကြိုဆိုနိုင်မည် ဖြစ်သော်လည်း မြန်မာ အနေဖြင့် တောင်ကိုရီးယား၊ ဂျပန်ကဲ့သို့သော အခြားသော အာရှနိုင်ငံများမှ ခရီးသွားများကို ခွင့်ပြုပေးထားသည့် ခရီးသွားခံစားခွင့်များအတိုင်း အိန္ဒိယခရီးသွားများကိုလည်း အလားတူ တိုးချဲ့ခွင့်ပြုပေးရမည့်အချိန် ကျရောက်ပြီဖြစ်သည်။

အိန္ဒိယဘက်ကလည်း ယင်းအတိုင်း အပြန်အလှန် လုပ်သွားသင့်သည်။

ယင်းသည် ရဲရဲဝံ့ဝံ့ ဆောင်ရွက်ချက်တစ်ခု ဖြစ်စေ သို့မဟုတ် ခရီးသွားလုပ်ငန်း အခွင့်အလမ်းကောင်းတစ်ခု ဖြစ်စေ မည်သို့ပင်ဖြစ်စေကာမူ မြန်မာနှင့် အိန္ဒိယတို့အနေဖြင့် ၎င်းတို့၏ အိမ်နီးချင်းများထံမှ ခရီးသွားများကို ဖိတ်ခေါ်သွားနိုင်မည့် အခွင့်အလမ်းကောင်းများ ရှိနေလျက်ရှိသည်။