ကလေးစာပေပွဲတော်တွင် ခေတ်ဟောင်းမြန်မာငွေကြေးများ ရောင်းချမည်

.

မိုးညှင်း၊ အောက်တိုဘာ ၆ ။           ။ ကချင်ပြည်နယ် မိုးညှင်းမြို့တွင် အောက်တိုဘာလ ၇ ရက်တွင် ကျင်းပမည့် ကလေးစာပေပွဲတော်တွင် စာအုပ်ဆိုင်များအပြင် ကလေးများ ဗဟုသုတရစေရန် ရည်ရွယ်သည်ဟု ဆိုကာ ခေတ်ဟောင်းငွေကြေးများကိုပါ ရောင်းချရန် ရှိသည်ဟု သိရသည်။

'' ခေတ်ဟောင်းသုံး ပိုက်ဆံတွေကို အမှတ်တရသိမ်းသူတွေရှိတော့ လိုချင်သူများ ဝယ်နိုင်အောင်ရယ်၊ ဒီက မူးစေ့မတ်စေ့ အကြွေတွေကလည်း ငါးပြား၊ ဆယ်ပြားဆိုတာ မသိမမြင်ဘူးကြတဲ့ကျောင်းသားသူငယ်တွေ မြင်သိနိုင်အောင် လာရောက်ရောင်းချပေးတာပါ။ ကျောင်းသင်ခန်းစာမှာ ပါတယ်လေ။ တစ်ကျပ်မှာ ပြားတစ်ရာ ရှိတယ်တို့၊  ဆယ်ပြားစေ့ ၁၀ စေ့ဆို တစ်ကျပ်ဖြစ်တယ်တို့ ၊ အဲဒါကို ပြားစေ့ မမြင်ဘူးတဲ့ကလေးတွေ နားမလည်ဘဲ ဖြစ်နေရင် အခုလက်တွေ့သင်လို့ ရပြီပေါ့'' ဟု နဂါးပျံစာပေဖြန့်ချိရေးမှ မပပက ပြောသည်။

တစ်ချိန်က အသုံးပြုခဲ့သော ဂျပန်ခေတ်သုံးငွေစက္ကူ မှစ၍ ငွေဒင်္ဂါးတစ်ကျပ်၊ ငါးကျပ် တစ်ဆယ်ကျပ်၊ တစ်ဆယ့်ငါးကျပ်မှ ငွေကျပ် ၉၀ အထိနှင့် ငွေအကြွေစေ့ တစ်ပြားမှ တစ်ကျပ်ထိ စုံလင်စွာ ပါရှိကြောင်း သိရသည်။

'' ငွေ တစ်မတ်စေ့ တစ်စေ့ကို ၂၀၀ ကျပ်နဲ့ ရောင်းပါတယ်။ ဒီလို ငွေစက္ကူအတွဲ တစ်တွဲကိုတော့ ကျပ်ငွေ ၈၀၀၀ နဲ့ ရောင်းပါတယ်။ ရောင်းလာတာ ၁၀ နှစ်ကျော်ရှိပြီမို့ ကျွန်မတို့က ဈေးကွက်ကို သိပါတယ်'' ဟု မပပက ဆိုသည်။

ငွေစက္ကူတစ်တွဲလျှင် ဗိုလ်ချုပ်ပုံပါ ၁၀ တန်၊ ၁၅ ကျပ်တန်နှင့် ၂၅ ကျပ်တန်၊ သခင်ဖိုးလှကြီးပုံပါ ၄၅ ကျပ်တန်၊ ဆရာစံပုံပါ ၉၀ တန်နှင့် ဂျပန်ခေတ်သုံးငွေစက္ကူ တစ်ရွက်စီတို့ ပါရှိသည်။

ကလေးစာပေပွဲတော်ကို မိုးညှင်းမြို့ အထက ၁ ၌ အောက်တိုဘာလ ၇ ရက်နေ့တွင် နံနက် ၉ နာရီအချိန်မှ စတင်ကျင်းပသွားမည် ဟု သိရသည်။

ကလေးများ စာအုပ်ဖတ်ရန်၊ ဗဟုသုတ များ ပြည့်ဝစေရန် ရည်ရွယ်၍ ကလေးစာပေပွဲတော်များကို ကျင်းပရခြင်း ဖြစ်သည်ဟု ပြန်ကြားရေးဝန်ကြီးဌာနမှ သိရသည်။