NEWS FLASH:  ဒေါက်တာညိုညိုသင်း၏ တိုင်ကြားစာအပေါ် အရေးယူရန်မရှိဟု အဂတိကော်မရှင် ဆုံးဖြတ်

YOPE ရုပ်/သံ Mizzima English

သတင်းပေးပုဂ္ဂိုလ်တို့ကို နိုင်နင်းစွာကိုင်တွယ်ရန် စစ်ကိုင်းအမတ် တောင်းဆို

.

အောက်တိုဘာ၂ရက်နေ့က စစ်ကိုင်းတိုင်းဒေသကြီးလွှတ်တော်အစည်းအဝေးတွင်  မင်းကင်းမြို့နယ် မဲဆန္ဒနယ်အမှတ် (၁) ဦးကျော်ဆန်း မေးခွန်းထုတ်နေစဉ် ဖြေကြားရန် စောင့်ဆိုင်းနေသော တိုင်းအစိုးရအဖွဲ့ဝင်လုံခြုံရေးနှင့် နယ်စပ်ရေးရာဝန်ကြီးဗိုလ်မှူးကြီးသန်းထွန်းအောင် (ဓာတ်ပုံ - စစ်ကိုင်းတိုင်းဒေသကြီးလွှတ်တော်)

မရှိမဖြစ် "သတင်း" အတွက် ခန့်ထားသည့် သတင်းပေးသူများအရေးကိုစစ်ကိုင်းတိုင်းလွှတ်တော်တွင် ဆွေးနွေးကြသည်

ဥပဒေစိုးမိုးရေးလုပ်ဆောင်ရေးအတွက် မွေးမြူထားသည့် သတင်းပေးပုဂ္ဂိုလ်တို့ကို နိုင်နင်းစွာကိုင်တွယ်နိုင်ခြင်းမရှိပါကထိုပုဂ္ဂိုလ်တို့၏ ဥပဒေချိုးဖောက်မှု ပိုမိုများပြားလာမည်ဟု စစ်ကိုင်းတိုင်းဒေသကြီးလွှတ်တော်မှ လွှတ်တော်အမတ်တစ်ဦးကအောက်တိုဘာ ၂ ရက်နေ့တွင် ပြောကြားလိုက်သည်။

အင်ဖော်မာ (informer) ဟုလည်းခေါ်ကြသည့် သတင်းပေးပုဂ္ဂိုလ်တို့သည် ဌာနဆိုင်ရာဝန်ထမ်းများထက် တန်ခိုးအာဏာကြီးမားစွာလှုပ်ရှားလာကြကြောင်း၊  ၄င်းတို့ကဝင်ငွေ ထူးကဲစွာရှာပေးနိုင်မှုကြောင့် ဝန်ထမ်းများကလည်းအားကိုးတကြီးခိုင်းစေနေကြကြောင်းမင်းကင်းမြို့နယ် မဲဆန္ဒနယ်အမှတ် (၁)ဦးကျော်ဆန်းကပြောသည်။

ထိုအခြေအနေကိုသတင်းပေးပုဂ္ဂိုလ်တို့ကအသုံးချကာပြည်သူများကိုငွေညစ်ခြင်း၊ ဖမ်းဆီးခြင်း၊ ကိုယ်ထိလက်ရောက် နှိပ်စက်ခြင်းများရှိလာသည်ဟု လွှတ်တော်ကိုယ်စားလှယ်ဦးကျော်ဆန်းက Myanmar Now သို့ပြောပြသည်။

သတင်းပေးပုဂ္ဂိုလ်တို့ဥပဒေချိုးဖောက်မှုများရှိနေသည့် အကြောင်းကိုဦးကျော်ဆန်းကအောက်တိုဘာ ၂ ရက်နေ့ လွှတ်တော် အစည်းအဝေးတွင် မေးခွန်းထုတ် တင်ပြခဲ့သည်။

အင်းတော်မြို့နယ်တောတွင်းတစ်နေရာတွင် တည်ထားသည့် သစ်စက်ကိုဓာတ်ပုံရိုက်သူခေါင်းဖြတ်အသတ်ခံရခြင်း၊ သတင်းပေးတစ်ဦးကဒေသတွင်းလွှတ်တော်အမတ်တစ်ဦးကိုရဲတင်းဖြင့် ခုတ်တော့မည့်အချိန်တွင် ရဲတပ်ဖွဲ့က ဟန့်တားပစ်ခတ်လိုက်ရခြင်း၊ အခြားအမတ်တစ်ဦးဖြစ်သည့် ဦးထွန်းထွန်းဝင်းနှင့် အဖွဲ့ကိုသတင်းပေးဆိုသူတစ်စုက ခြိမ်းခြောက်ခြင်းစသည့်ဖြစ်စဉ်များကိုလွှတ်တော်တွင် ဥပမာပေးတင်ပြခဲ့သည်။

သတင်းပေးပုဂ္ဂိုလ်တို့ပတ်သက်မှု ရှိနိုင်သည့် မုံရွာမြို့နယ်မှ သတင်းထောက် ကိုစိုးမိုးထွန်းသတ်ဖြတ်ခံရမှုတွင် အမှုမှန်ပေါ်ပေါက်ရေးလွန်စွာ ကြန့်ကြာနေခြင်းကိုလည်းဦးကျော်ဆန်းကထောက်ပြသည်။

“အင်ဖော်မာတွေနဲ့လုံးဝပတ်သက်တယ်လို့ယုံကြည်တယ်၊ ဒီလိုဟာမျိုးကလုံးဝကိုမဖြစ်သင့်မဖြစ်ထိုက်တဲ့ကိစ္စမျိုးတွေ၊ တစ်နှစ်ကျော်ပြီတရားခံကိုလည်းမဖမ်းမိသေးဘူး၊ သက်ဆိုင်ရာတွေကလည်းအလုပ်မလုပ်တာလားလို့မေးခွန်းထုတ်စရာရှိတယ်”ဟု ၄င်းက ပြောသည်။

သတင်းပေးလိုအပ်မှု

တိုင်းလွှတ်တော်အတွင်းဦးကျော်ဆန်း၏ မေးခွန်းထုတ် ဆွေးနွေးမှုကိုတိုင်းအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီးဗိုလ်မှူးကြီးသန်းထွန်းအောင်က ပြန်လည် ဖြေကြားခဲ့သည်။

"သတင်းပေးများအနေနှင့် တရားမဝင်စီးပွားရေးလုပ်ငန်းများနှင့် ပတ်သက်ခြင်း၊ မသမာမှုဝန်ထမ်းများနှင့် ပေါင်းသင်း ပြီးလုပ်ပိုင်ခွင့်အာဏာများအား အလွဲသုံးစားပြုလုပ်ကာ ဆောင်ရွက်ခဲ့ခြင်း၊စက်ဆုပ်မုန်းတီးဖွယ်ရာပြုမူပြောဆိုဆက်ဆံမှုများ ဖြစ်ပေါ်ခဲ့ခြင်းကြောင့် သတင်းပေးများကို ပြန်လည် ဆန်းစစ်ပြီးအသုံးချနိုင်အောင် စီမံဆောင်ရွက်လျက်ရှိပါတယ်" ဟုဝန်ကြီးကလွှတ်တော် အစည်းအဝေးတွင် ပြောကြားခဲ့သည်။

လုပ်ပိုင်ခွင့်အာဏာအလွဲသုံးစားလုပ်သည့် သတင်းပေးပုဂ္ဂိုလ်တို့ကိုတိုင်ကြားစာများအရသော်လည်းကောင်း၊ စုံစမ်းသိရှိသည့်အရသော်လည်းကောင်းစစ်ဆေးဖော်ထုတ်ပြီးတည်ဆဲဥပဒေများနှင့် အညီအရေးယူဆောင်ရွက်လျက်ရှိသည်ဟု ဝန်ကြီးကပြောသည်။

လုံခြုံရေး၊ နယ်မြေစိုးမိုးရေး၊ တရားဥပဒေစိုးမိုးရေးတို့အတွက် "သတင်း"သည် မရှိမဖြစ်ကုန်ကြမ်း ဖြစ်နေသောကြောင့်  သတင်းရရေးအတွက် သတင်းပေးများကိုမွေးမြူထားရကြောင်း၊ သတင်း ၆ မျိုး၊ သတင်းပေးအမျိုးအစား ၇ မျိုးခွဲခြားပြီးသတင်းရယူရေးဆောင်ရွက်လျက် ရှိကြောင်းဝန်ကြီးကလွှတ်တော်တွင် ပြောသည်။

သတင်းပေးပုဂ္ဂိုလ် ၇ မျိုးမှာခေတ္တသတင်းပေး၊ အလိုအလျောက်သတင်းပေး၊ အရေးပေါ်သတင်းပေး၊ သိမ်းသွင်းထားသောသတင်းပေး၊ နှစ်ခွသတင်းပေး (နှစ်ဘက်သြဇာခံ)၊ နှစ်ဖက်သတင်းပေး(နှစ်ဖက်သြဇာမခံ)၊ အပြိုင်သတင်းပေးတို့ဖြစ်သည်ဟုဆိုသည်။

 

Tags: