မြန်မာပရိသတ်အတွက် အကောင်းဆုံးရလဒ် ယူဆောင်ပေးမည်ဆိုသော ကယန်းအမျိုးသမီး လက်ဝှေ့မယ်

.

ဘန်ကောက် ၊ အောက်တိုဘာ ၂ ။          ။ ထိုင်းနိုင်ငံ၊ ဘန်ကောက်မြို့တွင်  ပထမဆုံးအကြိမ် ကျင်းပမည့် ONE: KINGDOM OF HEROES ပြိုင်ပွဲတွင် မြန်မာပြည်မှာ ပရိသတ်များအတွက် အကောင်းဆုံးရလဒ်ကို ယူဆောင်ပေးသွားမည်ဟု ကယန်းအမျိုးသမီး လက်ဝှေ့မယ်တစ်ဦးဖြစ်သည့် Bozhena Antoniyar က ပြောဆိုလိုက်သည်။

“ကိုယ်တိုင်လာပြီး အားမပေးနိုင်ပေမယ့်လည်း အဝေးကနေ အားပေးနေကြမယ့် ပရိသတ်တွေအတွက် အကောင်းဆုံးရလဒ်ကို ယူလာပေးပါမယ်လို့ ပြောချင်ပါတယ်” ဟု ၄င်းကဆိုသည်။

Bozhena Antoniyar အနေဖြင့် ထိုင်းနိုင်ငံသူ သိုင်းပေါင်းစုံ ကိုယ်ခံပညာကစားသမား Rika “Tinydoll” Ishige နှင့် ရင်ဆိုင်ထိုးသတ်သွားမှာဖြစ်ပြီး Ishige သည် အတွေ့အကြုံရင့်ကျက်သည့် ကစားသမားလည်းဖြစ်သည်။

“သူက ကျွန်မအတွက် တော်တော်လေးကိုကောင်းတဲ့ကစားသမားတစ်ယောက်ပါ။ သူနဲ့ တော်တော်လေးကို ယှဉ်ပြိုင်ရာမှာပါ” ဟု Antoniyar က ယှဉ်ပြိုင်ဖက် Ishige နှင့် ပတ်သက်ပြီး ပြောဆိုသည်။

National Boxing Champion တွင် နှစ်ထပ်ကွမ်းချန်ပီယံဖြစ်သူ Bozhena Antoniyar သည် ပြီးခဲ့သည့် ဖေဖော်ဝါရီလက ကျင်းပခဲ့သော ONE: QUEST FOR GOLD ပြိုင်ပွဲကြီးတွင် တစ်နိုင်ငံတည်းသား ရွှေစင်ကို ၂၄ စက္ကန့်အတွင်း ယှဉ်ပြိုင်အနိုင်ယူခဲ့သည်။

လက်ရှိပြိုင်ပွဲအတွက် လေ့ကျင့်ချိန် ၆ ပတ်အထိ ရယူထားပြီး အတွေ့အကြုံရှိ နည်းပြဆရာများဖြင့် လေ့ကျင့်သင်ကြားထားသည်ဟုလည်း ၄င်းကဆိုသည်။

ONE: KINGDOM OF HEROES ပြိုင်ပွဲကိုလာမည့် အောက်တိုဘာလ ၆ ရက်နေ့တွင် ဘန်ကောက်ရှိ Impact Arena အားကစားရုံတွင် ကျင်းပသွားမည်ဖြစ်ပြီး မြန်မာနိုင်ငံမှ Bozhena Antoniyar နှင့် ထိုင်းနိုင်ငံသူ Rika “Tinydoll” Ishige တို့အပါအဝင် အဓိက တွဲဆိုင်းအဖြစ် ထိုင်းနိုင်ငံသား The Ring Magazine နှင့် WBC စူပါဖလိုင်းဝိတ် ကမ္ဘာ့ချန်ပီယံ Srisaket Sor Rungvisai နှင့်  စိန်ခေါ်သူ မက္ကဆီကို နိုင်ငံသား Magnifiko တို့ ထိုးသတ်သွားမည်ဖြစ်သည်။