NEWS FLASH:  မင်းဘူးမြို့အနီး တပ်မတော်တိုက်လေယာဉ် ပျက်ကျ

YOPE ရုပ်/သံ Mizzima English

ရာဇဝတ်မှုများကို တိုင်ကြားရုံမဟုတ်ဘဲ ပြည်သူများ ဖမ်းဆီးခွင့်ရှိသည်ဟု ဝန်ကြီးချုပ်ပြော

.

ဓာတ်ပုံ-EPA

ရန်ကုန်၊ စက်တင်ဘာလ ၂ဝ ။          ။ ရာဇဝတ်မှုများအား တိုင်ကြားရုံမဟုတ်ဘဲ ပြည်သူများကိုယ်တိုင်လည်း တားဆီးခွင့်၊ ဖမ်းဆီးခွင့်ရှိသည်ဟု ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောကြားလိုက်သည်။

"ကျွန်တော်တို့ကို လာတိုင်ကြားစရာမလိုဘဲ သူတို့ကိုယ်တိုင် ဒီ ဖမ်းဆီးအရေးယူတာဆီးနိုင်ခွင့် ပြည်သူမှာလည်း ရှိနေတယ်ဆိုတဲ့ ပုံသဏ္ဍာန်နဲ့ ပေါင်းစပ်လိုက်မယ်ဆိုလို့ရှိရင် ကျွန်တော်တို့တိုင်းအတွင်းမှာ ပေါ်ပေါက်နေတဲ့ မူးယစ်ဆေးဝါးအပြင် အခြားသော လူကုန်ကူးမှုကိစ္စရပ်တွေ၊ အခြားသော လောင်းကစားဆိုင်ရာကိစ္စရပ်တွေ၊ မကောင်းမှုဖြစ်ပေါ်နေတဲ့ အခြေအနေတွေ၊ မူးယစ်ဆေးဝါးရောင်းဝယ်မှု၊ အရက်ပုန်း ဒါမျိုးကိစ္စတွေကို ကျွန်တော်တို့ ထိန်းသိမ်းနိုင်လိမ့်မယ်လို့ ကျွန်တော့်အနေနဲ့ယုံကြည်ပါတယ်”ဟု ဝန်ကြီးချုပ်ဦးဖြိုးမင်းသိန်းက ပြောကြားခဲ့သည်။

စက်တင်ဘာလ ၂ဝ ရက်၊ နံနက် ၈ နာရီ၊ ရန်ကုန်၊ မူးယစ်ဆေးဝါးပြတိုက်တွင် ပြုလုပ်ခဲ့သည့် တိုင်းဒေသကြီး အဆင့် အမျိုးသားမူးယစ်ဆေးဝါးထိန်းချုပ်ရေးမှုဝါဒရှင်းလင်းပွဲတွင် ဝန်ကြီးချုပ်က ထည့်သွင်းပြောခဲ့ခြင်း ဖြစ်သည်။

အဆိုပါကိစ္စများနှင့်ပတ်သက်ပြီး လာမည့် အောက်တိုဘာလအတွင်း ဌာနဆိုင်ရာများ၊ လူမှုအဖွဲ့အစည်းများ၊ ရပ်ကွက်အုပ်ချုပ်ရေးအဖွဲ့များနှင့် ဆွေးနွေးမှုများ ပြုလုပ်သွားမည်ဖြစ်ပြီး အုပ်ချုပ်ရေးအဖွဲ့ဝင်များကိုလည်း သင်တန်းများ သင်ကြားပို့ချပေးသွားမည်ဖြစ်ကာ ဝန်ကြီးချုပ်ကိုယ်တိုင် မြို့နယ်များသို့ ကွင်းဆင်းကာ ရုံးထိုင်မည်ဖြစ်ကြောင်း သိရသည်။

တရားဥပဒေစိုးမိုးနိုင်ရေးအတွက် ပြည်သူက ပြည်သူကို ပြန်လည်စောင့်ကြည့်သည့်ပုံစံမျိုးဖြင့် အုပ်ချုပ်ရေး အဖွဲ့အစည်းများနှင့် ပူးပေါင်းဆောင်ရွက်မှသာ အောင်မြင်နိုင်မည်ဖြစ်ကြောင်းလည်း ဝန်ကြီးချုပ်က ပြောကြားခဲ့သည်။