ပလတ်စတစ်အခွံမြိုချမိ၍ သြစတြေးလျပင်လယ်လိပ်များ သေဆုံး

.

စက်တင်ဘာ ၁၄ ။        ။ ပင်လယ်လိပ်တစ်ကောင်ဟာ ပလတ်စတစ်အခွံတစ်ခုကို မြိုချမိရုံနဲ့ သေဆုံးနိုင်ခြေ ၂၂ ရာခိုင်နှုန်းရှိကြောင်း သြစတြေးလျ သိပံ္ပပညာရှင်တွေက ထုတ်ပြန်ကြေညာလိုက်ပါတယ်။

ပင်လယ်လိပ်တစ်ကောင်ရဲ့ ၀မ်းဗိုက်ထဲမှာ ပလစ်စတစ်အခွံ ၁၄ ခုရှိနေရင်တော့ သေဆုံးနိုင်ခြေ ၅၀ ရာခိုင်နှုန်းရှိမှာဖြစ်ကြောင်း သိပ္ပံပညာရှင်တွေက ပြောဆိုခဲ့ပါတယ်။

“တကယ်တော့ ပလစ်စတစ်အခွံတစ်ခုထဲနဲ့တင် လိပ်သေသွားနိုင်တယ်။”လို့ Sunshine Coast တက္ကသိုလ်ရဲ့ ဒေါက်တာ ကေသီတောင်းစန်ကပြောပါတယ်။

ဒေါက်တာ ကေသီတောင်းစန်ဟာ သြစတြေးလျကမ်းစပ်တစ်လျှောက်မှာ ပင်လယ်လိပ်အကောင်ရေ ၁၀၀၀ ခန့်သေဆုံးရမှုနဲ့ စပ်လျဉ်းပြီး သုတေသနလုပ်ခဲ့တာဖြစ်ပါတယ်။

“တချို့လိပ်တွေက ပလတ်စတစ်အခွံမြိုမိတာနဲ့ သေကုန်တာ။ အူတွေပေါက်ရင်ပေါက်၊ မပေါက်ရင် အူထဲမှာ အဲဒီပလတ်စတစ်က သွားပိတ်နေတာ။”လို့ ကေသီတောင်းစန်ကပြောပါတယ်။

တစ်ကမ္ဘာလုံးအတိုင်းအတာအရ ပင်လယ်လိပ် ၅၂ ရာခိုင်နှုန်းခန့်ဟာ ပလတ်စတစ်တွေ စားနေကြောင်း သိရှိရပါတယ်။

နှစ်စဉ်နှစ်တိုင်း ပင်လယ်သမုဒ္ဒရာတွေထဲမှာ ပလတ်စတစ်တန်ချိန် ၈ သန်းခန့် ရှိနေကြောင်း ကုလသမဂ္ဂက ထုတ်ပြန်ကြေညာထားပါတယ်။

အဆိုပါအခြေအနေအတိုင်းသာ ဆက်သွားနေရင် ၂၀၅၀ ခုနှစ်မှာတော့ ပင်လယ်သမုဒ္ဒရာတွေထဲမှာ ငါးတွေထက် ပလတ်စတစ်တွေက ပိုများနေမှာဖြစ်ကြောင်း ကုလသမဂ္ဂက သတိပေးခဲ့ပါတယ်။