အောင်ရဲထွေးအမှုတွင် ဥပဒေအရာရှိကြီးများ အရက်ပုလင်းအပါအဝင် သိန်းရာချီ လာဘ်စား

.

ရန်ကုန် ၊ စက်တင်ဘာ ၁၃ ။             ။ အောင်ရဲထွေးအမှုရုပ်သိမ်းပေးရန်အတွက် ရန်ကုန်တိုင်း ဥပဒေချုပ်အပါအဝင် ဥပဒေအရာရှိကြီးများက အရက် ပုလင်းနှင့် သိန်းရာချီလာဘ်စားကြောင်း စစ်ဆေးတွေ့ရှိခဲ့သည်ဟု အဂတိလိုက်စားမှုတိုက်ဖျက်ရေးကော်မရှင် ပြောရေးဆိုခွင့်ရှိသူ ဦးကျော်စိုးက မဇ္ဈိမသို့ ပြောသည်။

“လာဘ်ငွေပေးတဲ့သူတွေကိုတော့ တရားစွဲဖို့မရှိသေးပါဘူး။ အမှုအောင်နိုင်ရေးအတွက် လာဘ်ငွေပေးတဲ့သူကို တရားလိုပြသက်သေအဖြစ် အသုံးပြုဖို့ရှိနေပါတယ်” ဟု အဂတိလိုက်စားမှုတိုက်ဖျက်ရေးကော်မရှင် ပြောရေးဆိုခွင့်ရှိသူ ဦးကျော်စိုးကပြောသည်။

ရန်ကုန်တိုင်းဒေသကြီး ဥပဒေချုပ် ဦးဟန်ထူးသည် ကျပ်ငွေ သိန်း ၁၅၀ ၊ Blue Label အရက်ပုလင်းတစ်လုံးနှင့်  အင်္ကျီတစ်ထည် ရယူခဲ့ပြီး ရန်ကုန်တိုင်းဒေသကြီးဥပဒေအရာရှိ ဦးသိန်းဇော်က ကျပ်ငွေ သိန်း ၅၀ ၊ ရန်ကုန် အရှေ့ပိုင်းခရိုင်ဥပဒေအရာရှိ ဦးကိုကိုလေးက ကျပ်ငွေ သိန်း ၁၃၀ နှင့် Gold label အရက်ပုလင်း တစ်လုံး ၊ ရန်ကုန်အရှေ့ပိုင်းခရိုင် ဒုတိယခရိုင်ဥပဒေအရာရှိ ဒေါ်သစ်သစ်ခင် မှ ကျပ်ငွေ သိန်း ၃၀ နှင့် ပါတိတ်လုံခြည် တစ်ထည် ၊ ရန်ကုန်အရှေ့ပိုင်းခရိုင် တရားရုံးမှ ဒုတိယခရိုင်တရားသူကြီး ဦးအောင်ကြည်က ကျပ်သိန်း ၃၃၀ ၊  ရွှေပေါက္ကံ နယ်မြေစခန်းမှူးရဲအုပ်ချစ်ကိုကိုက ကျပ်ငွေ သိန်း ၃၀ ရရှိခဲ့သည်ဟု အဂတိလိုက်စားမှု တိုက်ဖျက်ရေးကော်မရှင် ပြောရေးဆိုခွင့်ရှိသူ ဦးကျော်စိုးက မဇ္ဈိမသို့ ပြောသည်။

စက်တင်ဘာလ ၁၃ ရက်နေ့တွင် မြန်မာနိုင်ငံအဂတိလိုက်စားမှုတိုက်ဖျက်ရေးကော်မရှင်မှ သရုပ်ဆောင် အောင်ရဲထွေး သေဆုံးခဲ့ရသည့် အမှုရုပ်သိမ်းစေရန် လာဘ်ငွေရယူခဲ့သည့် ရန်ကုန်တိုင်းဒေသကြီးဥပဒေချုပ် ဦးဟန်ထူးအပါအ၀င် ပါဝင်ပတ်သက်သူ ၆ ဦးကို အမှုဖွင့်အရေးယူလိုက်ကြောင်း ထုတ်ပြန်ခဲ့ခြင်း ဖြစ်သည်။

အဂတိလိုက်စားမှုတိုက်ဖျက်ရေးဥပဒေပုဒ်မ ၅၅ သည် ထောင်ဒဏ် ၁၅ နှစ်နှင့် ငွေဒဏ် ချမှတ်နိုင်ပြီး ပုဒ်မ ၅၆ သည် ထောင်ဒဏ် ၁၀ နှစ် နှင့် ငွေဒဏ်ချမှတ်နိုင်သည်။