ကတိက၀တ်အတိုင်း မတည်လို့ဆိုပြီး မလေးရှားမှာ အစိုးရကို ဆန္ဒပြ

.

သြဂုတ် ၁၉ ။         ။ မလေးရှားနိုင်ငံမှာ လက်ရှိ အာဏာရ Pakatan Harapan (မျှော်လင့်ခြင်း မဟာမိတ်) ညွန့်ပေါင်း အုပ်စုအနေနဲ့ ပေးထားတဲ့ ကတိက၀တ်အတိုင်း ဖြည့်ဆည်းမပေးနိုင်ဘူး ဆိုပြီး ဆန္ဒပြသူတစ်ချို့က သြဂုတ် ၁၈ ရက်မှာ လမ်းပေါ်ထွက် ဆန္ဒပြခဲ့ကြကြောင်း သိရပါတယ်။

ယခုဆိုရင် မလေးရှား အာဏာရ Pakatan Harapan ပါတီ နိုင်ငံမှာ အာဏာရလာတာဆိုရင် ရက် ၁၀၀ ပြည့်မြောက်ခဲ့ပြီ ဖြစ်ပါတယ်။

ယင်းကဲ့သို့ ရက် ၁၀၀ ပြည့်လာခဲ့ချိန်မှာ ကတိက၀တ်အမှားတွေသာ ပေးထားခဲ့တယ်ဆိုပြီး ဆန္ဒပြ အုပ်စုတစ်စုက ကွာလာလမ်ပူ မြို့အနီး Petaling Jaya မြို့က စုဝေးပွဲတစ်ခုမှာ ဆိုင်းပုဒ်ကိုင် ဆန္ဒပြခဲ့ကြတာဖြစ်ပါတယ်။

ပြီးခဲ့တဲ့ မေလ ၉ ရက် ရွေးကောက်ပွဲမှာတော့ လက်ရှိဝန်ကြီးချုပ် မဟာသီယာ မိုဟာမက်ရဲ့ Pakatan Harapan မဟာမိတ်အုပ်စု အနိုင်ရခဲ့ပြီး နိုင်ငံကို နှစ်များစွာကြာ ကြီးစိုးနေခဲ့တဲ့ (Barisan Nasional-BN) ပါတီကို အရေးနိမ့်သွားစေခဲ့တာ ဖြစ်ပါတယ်။