နှစ် ၃၈၀၀ ရှိ ရုပ်လုံးရုပ်ကြွတွေနဲ့ နံရံ ပီရူးမှာ တွေ့ရှိ

.

လီမာ၊ သြဂုတ် ၁၇ ။       ။ ပီရူးနိုင်ငံ ဗဟိုပစိဖိတ်ကမ်းခြေဒေသက ရှေးဟောင်းသုတေသန လုပ်ကွက်မှာ နှစ် ၃၈၀၀ ရှိ ရုပ်လုံးရုပ်ကြွတွေနဲ့ နံရံတစ်ခုကို တွေ့ရှိကြောင်း တူးဖော်ရေးဒါရိုက်တာ ရုရ်ှရှာဒီက ပြောပါတယ်။

ရုပ်လုံးရုပ်ကြွတွေဟာဆိုရင် လူလေးဦးရဲ့ ဦးခေါင်းတွေဖြစ်ပြီး မျက်လုံးမှိတ်ထားလျက် ယှဉ်လျက်ရှိနေကြတာ ဖြစ်ပါတယ်။ မြွေနဂါးနှစ်ကောင်ဟာလည်း ဒီဦးခေါင်းတွေကို ပတ်ခွေထားပြီး ငါးခုမြောက် ဦးခေါင်းတစ်ခုပုံစံ ဖြစ်နေပါတယ်။

ငါးခုမြောက် လူမဟုတ်တဲ့ ဦးခေါင်းပုံဟာဆို နတ်ဘုရားမျိုးစေ့ကို ကိုယ်စားပြုထားတာ ဖြစ်ဖွယ်ရှိပါတယ်။

နေလှမ်းအုတ်တွေနဲ့ တည်ဆောက်ထားတဲ့ ဒီနံရံဟာဆိုရင် ဗီချာမာမြို့က အဆောက်အအုံတစ်ခုရဲ့ အစိတ်အပိုင်းတစ်ရပ်ပဲ ဖြစ်ပါတယ်။ ဗီချာမာမြို့ဟာ ငါးဖမ်းမြို့တစ်မြို့ဖြစ်ပြီး အမေရိကားမှာ သက်တမ်းအရှည်ဆုံး ကာရယ်လူမှုအဖွဲ့အစည်းက ပိုင်ဆိုင်တဲ့ မြို့ပဲ ဖြစ်ပါတယ်။

ကာရယ်လူအသိုင်းအ၀ိုင်းဟာ လီမာမြို့ မြောက်ဖက် ၁၈၀ ကီလိုမီတာက ဆူပီတောင်ကြားမှာ လွန်ခဲ့တဲ့ နှစ်ပေါင်း ၅၀၀၀ ခန့်က ပေါ်ထွန်းခဲ့တာပဲ ဖြစ်ပါတယ်။