ဒုက္ခသည်တွေအတွက် တစ်ကမ္ဘာလုံးအထောက်အပံ့ကို တောင်းဆိုပြီး ဗြိတိန်မှာ လမ်းပေါ် ဖိနပ်ရာပေါင်းများစွာ စီခင်း

.

လန်ဒန်၊ သြဂုတ် ၁၆ ။          ။ လန်ဒန်က ၀တ်စ်မင်စတာ ခရစ်ယာန်ဘုရားကျောင်းကြီးရှေ့မှာတော့ ဖိနပ်တွေ ရာပေါင်းများစွာ စီခင်းထားတာကို တွေ့ရမှာ ဖြစ်ပါတယ်။

ဒုက္ခသည်တွေနဲ့ ရွှေ့ပြောင်းဝင်ရောက်သူတွေကို ကမ္ဘာ့ခေါင်းဆောင်တွေက ကူညီထောက်ပံ့ပေးရေးအတွက် ကမ်ပိန်းတစ်ရပ်ရဲ့ အစိတ်အပိုင်းတစ်ရပ်ဖြစ်ပြီး ခုလို ဖိနပ်တွေ စီခင်းထားတာပါ။

ဒုက္ခသည်တွေနဲ့ သွေးစည်းညီညွတ်မှုစွာ လက်တွဲပြီး ဗြိတိန်အနှံ့ ခရီးမိုင် တစ်သိန်း လမ်းလျှောက်ခြင်းအဖြစ် အဓိပ္ပာယ်ကောက်ယူပြီး လုပ်ဆောင်ကြတာဖြစ်ပါတယ်။

ခု ကမ်ပိန်းကို ကက်သလစ်လူသားချင်းစာနာထောက်ထားရေးအဖွဲ့ CAFOD အဖွဲ့နဲ့ ကက်သလစ်လူမှုလှုပ်ရှားမှုကွန်ရက်တို့ ပူးပေါင်းလုပ်ဆောင်ကြတာ ဖြစ်ပါတယ်။

“ချီတက်လျှောက်လှမ်းနေတဲ့ မြင်ကွင်းအဖြစ် ဒီ ဖိနပ်တွေဟာ ခရီးအတူထွက်ခြင်းဆိုတဲ့ သဘောမှာ သက်ဝင်မှာ ဖြစ်တယ်။”လို့ CAFOD က တွစ်တာမှာ ရေးသားပါတယ်။

လာမယ့်လမှာ ကျင်းပမယ့် ကုလသမဂ္ဂ အထွေထွေညီလာခံမှာ ရွှေ့ပြောင်းသူတွေနဲ့ ဒုက္ခသည်တွေကို ထောက်ပံ့မယ့် ကမ္ဘာ့လုံးဆိုင်ရာ သဘောတူညီမှုတွေကို ဖော်ဆောင်ဖို့ တက်ကြွလှုပ်ရှားသူတွေက ကမ္ဘာ့ခေါင်းဆောင်တွေကို တောင်းဆိုနေကြပါတယ်။