အဆိုတော်ယုန်လေးကို စူးရှထက်က တရားစွဲဆိုထားဟု သတင်းများထွက်ပေါ်

.

သြဂုတ် ၁၄ ။          ။ အစ္စဏီရုံးချိန်းအမှုနှင့်ပတ်သက်ပြီး ယုန်လေးကို မော်ဒယ်စူးရှထက်က တရားစွဲဆိုထားသည်ဟု သတင်းများ သြဂုတ်လ ၁၄ ရက် ညနေပိုင်းက ထွက်ပေါ်ခဲ့သည်။

အဆိုတော်ယုန်လေးက အစ္စဏီရုံးချိန်းနှင့် ပတ်သက်ပြီး ၎င်းအား မော်ဒယ်စူးရှထက်က တရားစွဲထားသည့်ဟုဆိုကာ ယနေ့ သြဂုတ်လ ၁၄ ရက် ညနေပိုင်းတွင် ၎င်း၏ လူမှုကွန်ရက်ပေါ်၌ စာရေးသားခဲ့ပြီးနောက် စူးရှထက်နှင့် ယုန်လေး တို့ Live လွှင့်ကာ အပြန်အလှန် ပြောဆိုခဲ့ကြသည်ကို တွေ့ရသည်။

အဆိုပါအမှုအတွက် ယုန်လေးက ကြားဝင်ညှိနှိုင်းခဲ့ကြောင်း ၊ နှစ်ဖက်မိဘများနှင့်တွေ့ဆုံပြီး ညှိနှိုင်းခဲ့ကာ ကျေအေးပေးမည်ဆို၍ ၀မ်းသာကြောင်း၊ အာမခံရရေးအပါအ၀င် ပြောဆိုခဲ့ကြကြောင်း ၊ ယခု တရားစွဲဆိုမည် ဟု ပြောဆိုခြင်းအပေါ် မေးခွန်းထုတ်ခဲ့သော အရေးအသားများ တင်ခဲ့သည်။

ထို့နောက် စူးရှထက်က Live လွှင့်ကာ “ ကိုယုန်လေးကို ကျွန်မ ဒီကနေ ပြောချင်ပါတယ်။ ညီမက ကိုယုန်လေးကို တရားစွဲထားတယ်တဲ့ ဆိုပြီး စတေးတပ်တင်ထားတယ်နော်။ ညီမက ဘယ်တရားရုံးမှာ တရားစွဲထားတာလဲဆိုတာ သိပါရစေ။ ပြီးတော့ ကိုအစ္စဏီအမှုကို ညီမ ရုံးချိန်းတက်တယ်။ ရုံးချိန်းတက်တဲ့အချိန်မှာ ညှိလို့ရရင်ရ၊ မရရင် သတ်ပစ်မယ်ဆိုတာ တစ်ယောက် ကြားရုံတင်မဟုတ်ဘူး။ နှစ်ယောက်ကြားရုံတင်မဟုတ်ဘူး။ တရားရုံးထဲက လူတွေ အကုန်ကြားတယ်နော်။ ညှိလို့ရရင်ရ မရရင်သတ်ပစ်မယ်ဆိုတာ။ ညီမနေရာမှာဆိုရင် ကိုယုန်လေးရဲ့ ညီမဆိုရင်ရော။ ငြိမ်ခံနေမလား” အပါအ၀င် လူမှုကွန်ရက်တွင် တင်ခဲ့သည်။

အဆိုတော် ယုန်လေးကို မဇ္ဈိမမှ ဆက်သွယ်မေးမြန်းရာ ဒီမှာ စိတ်တွေတော့ ရှုပ်နေပြီ။ ဘာမမှမသိသေးဘူး။ စိတ်တွေတော်တော်ရှုပ်နေလို့။ ဗီဒီယိုလည်း ရိုက်ပြီးတင်ထားကြောင်း ပြန်လည် ဖြေဆိုသည်။

ထို့နောက် ယုန်လေးက သူ့အကောင်မှ “ခုမှ ကြားရတာ ကျွန်တော့ကို တရားစွဲတယ်လို့ ။ ဘာမှန်းလည်း မသိပါဘူး။ ရဲစခန်းသွားဆိုလည်း သွားမှာပါ။ တရားရုံးဆိုလည်း သွားမှာပါ။ ကျွန်တော် ဘာမှ လုပ်မထားဘူး။ အဲဒီအတွက် ရှင်းမှာပါ။ ရယ်ဒီပါ။ ညီမလေးကိုလည်း ဆုတောင်းပေးလိုက်ပါတယ်။ ဘ၀မှာ အကောင်းဆုံး အလုပ်တွေ လုပ်နိုင်ပါစေ။ အဆင်ပြေပြေ ချောချောမွေ့မွေ့နဲ့ လုံးဝ အရာရာ အဆင်ပြေစေဖို့ ဆုတောင်းပေးပါတယ်။ ရုံးချိန်း ကြိုက်တဲ့နေ့ခေါ်လိုက်၊ ရယ်ဒီ” ဟု တင်ထားခဲ့သည်။

သြဂုတ်လ ၁၃ ရက်နေ့၊ နေ့လယ်ပိုင်းက ရန်ကုန်မြို့၊တာမွေမြို့နယ် တရားရုံး၌ အဆိုတော်အစ္စဏီ၏ ၁၂ ကြိမ်မြောက်ရုံးထုတ်ခဲ့ပြီး အဆိုတော် အစ္စဏီဘက်မှ သက်သေတင်သွင်းထားသည့် ရုပ်သံဖိုင်ကို ပယ်ဖျက်ပေးရန် မော်ဒယ်စူးရှထက်က တိုင်းတရားရုံးသို့ ဆက်လက်တင်ပြထားသည်။