ဇွန် ၂၀ ။ ။ ပြင်သစ်စစ်ဘုရင် နပိုလီယန် ဆောင်းခဲ့တယ်လို့ ယုံကြည်ရတဲ့ အစွန်းနှစ်ဖက်ပါ စစ်ဦးထုပ်တစ်လုံးကို ဇွန်လ ၁၈ ရက်က ပြင်သစ်မှာ လေလံတင်ရောင်းချခဲ့တယ်လို့ သိရပါတယ်။ အဆိုပါ ဦးထုပ်ကတော့ ယူရိုငွေ သုံးသိန်းခွဲနဲ့ လေလံအောင်သွားခဲ့ပါတယ်။
ဒါကတော့ ပြင်သစ်ဧကရာဇ် နပိုလီယံ ပိုင် ပစ္စည်းမှန်သမျှကို ငန်းငန်းတက် လိုချင်နေကြမှုအပေါ် အမြတ်ထုတ်တဲ့ ကြိုးပမ်းမှုတစ်ရပ်လည်း ဖြစ်ပါတယ်။ ဒ့ါအပြင် နပိုလီယန် ကွယ်လွန်ခဲ့တာဟာ ခုချိန်ဆိုရင် နှစ်ပေါင်း ၂၀၀ နီးပါး ရှိလာပြီ ဖြစ်ပေမယ့် ခုထက်ထိ သူ့့ပစ္စည်းတွေအပေါ် စွဲလန်းနှစ်ခြိုက်မှု ကတော့ ရေချိန်မြင့်နေဆဲဆိုတာကို ပြသနေလျက်ရှိပါတယ်။
ယခု နပိုလီယန်ပိုင်လို့ ပြောကြတဲ့ ဦးထုပ်ကို လေလံတင်ရာမှာတော့ မူလမှန်းထားတဲ့ ယူရို သုံးသိန်းကို ကျော်လွန်ရရှိခဲ့တာဖြစ်ပါတယ်။
၀ယ်ယူသွားသူရဲ့ အမည်ကိုတော့ ထုတ်ပြန်ခြင်း မရှိပါဘူး။
အသေးစိတ် လေ့လာတဲ့ မှတ်တမ်းမှတ်ရာ အချက်အလက်များအရ ယခု ဦးထုပ်ဟာ နပိုလီယန် အာဏာကြီးထွားခဲ့တဲ့ ကာလအတွင်း ရှိခဲ့တဲ့ ဦးထုပ်တစ်လုံးဖြစ်တယ်လို့ ဖော်ညွှန်းနေတယ်ဆိုပေမယ့် ယင်းကိုတော့ နပိုလီယံကိုယ်တိုင် တကယ်ပဲ ပိုင်ဆိုင် ၀တ်ဆင်ခဲ့သလားဆိုတာကိုတော့ တိတိကျကျ သက်သေပြနိုင်ခြင်းတော့ မရှိဘူးလို့ သိရပါတယ်။
