ကဘူးလ်၊ ဇွန် ၁၈ ။ ။ အာဖဂန်နစ္စတန်နိုင်ငံရှိ တည်ငြိမ်မှု ကင်းမဲ့သော အရှေ့ပိုင်းနယ်မြေတွင် အိဒ်ပွဲတော် ကျင်းပနေသည့် လူအုပ်အား ဇွန် ၁၇ ရက်က အသေခံတိုက်ခိုက်မှု ဖြစ်ရာတွင် ၁၈ ဦး သေဆုံးသည်။
တာလီဘန်နှင့် အစိုးရတို့ မကြံုစဖူး အိဒ်ပွဲတော်ကာလ အပစ်ရပ် သဘောတူထားခြင်းကို ဖျက်ဆီးသည့် ဒုတိယမြောက် တို်က်ခိုက်မှုတစ်ရပ်လည်း ဖြစ်သည်။
ဂျာလာလာဘတ်မြို့ နန်ဂါဟာပြည်နယ်အုပ်ချုပ်ရေးမှူးရုံး အပြင်ဖက်တွင် ဖြစ်ပွားသော ယခုတိုက်ခိုက်မှုအတွက် ကျုးလွန်သည်ဟု အတည်ပြုထုတ်ပြန်လာသည့် အဖွဲ့ မရှိသေးပေ။
အပစ်ရပ်တွင် ပါဝင်ခြင်း မရှိသည့် အိုင်အက်စ်အဖွဲ့က ယင်းနေ့အစောပိုင်းကပင် ဖြစ်ပွားထားသော အသေအကျေများသော ပေါက်ကွဲမှုက ၎င်းတို့ လက်ချက်ဖြစ်ကြောင်း ကြေညာထားသည်။
မွတ်စလင် အိဒ်ပွဲတော်ကာလအတွင်း ကျေနပ်ဖွယ်အဖြစ် အပစ်ရပ်သဘောတူညီမှု ရထားသည့် ငြိမ်းချမ်းရေးမျှော်လင့်ချက်အား ပျက်ပြယ်စေခြင်းအဖြစ် တာလီဘန်တို့က ဇွန် ၁၇ ရက် ညထက် လွန်ပြီး အပစ်ရပ်ကို ဆက်လက်ကျင့်သုံးမည် မဟုတ်ကြောင်း ကြေညာထားသည်။
အပစ်ရပ် သဘောတူညီမှုကို အခွင့်ကောင်းယူ၍ နို်င်ငံအနှံ့ မြို့များအတွင်းသို့ တာလီဘန်များ စိမ့်ဝင် ဝင်ရောက်ထားပြီဟု ပြည်သူတစ်ချို့ကြား စိုးရိမ်မှုများ မြင့်တက်လျက်ရှိသည်။