မြန်မာနိုင်ငံသားများ၏ ငွေကြေးစီမံခန့်ခွဲမှု ပညာရေးစာတမ်း မိတ်ဆက်

.

 

ဇွန် ၁၃။                       ။ မြန်မာနိုင်ငံသားများ၏ ငွေကြေးစီမံခန့်ခွဲမှုနှင့် ပတ်သတ်ပြီး ထင်မြင်ယူဆချက်များ၊ သဘောထားများ ကို လေ့လာဆန်းစစ်ထားသည့် ရေရှည်တည်တံ့သော တိုးတက်မှုအတွက် ငွေကြေးဆိုင်ရာ ပညာရေး စာတမ်းကို Visa ကုမ္ပဏီမှ မိတ်ဆက်ပွဲ ပြုလုပ်ခဲ့သည်။

အဆိုပါ မိတ်ဆက်ပွဲအခမ်းအနားကို ရန်ကုန်မြို့ PARK ROYAL ဟိုတယ်တွင် ဇွန်လ ၁၃ရက်က ပြုလုပ်ခဲ့သည်။

ယခုအချိန်တွင် ဘဏ်များသည် ပွင့်လင်းမြင်သာပြီး ယုံကြည်စိတ်ချရသည်ဟု လူအများစု လက်ခံ လာသည့်အတွက် ဘဏ္ဍာရေးကဏ္ဍအနေဖြင့် တီထွင်ဆန်းသစ်ခွင့် ရရှိလာပြီဖြစ်ကြောင်း Visa ၏ Country Manager Arturo Planell ကပြောသည်။

“မြန်မာလူမျိုးတွေဟာ နိုင်ငံရဲ့ ရှေ့ရေးအလားအလာနဲ့ ပတ်သတ်ပြီ အလွန်အကောင်းမြင်တယ်ဆိုတာကို ဖော်ပြတဲ့ ဒီပြည်တွင်းလေ့လာစမ်းစစ်ချက် စာတမ်းကို တင်ပြခွင့်ရတဲ့အတွက် ဂုဏ်ယူပါ တယ်။ ဒါပေမယ့် ငွေကြေးဆိုင်ရာ ဗဟုသုတအသိပညာနဲ့ လိုအပ်ချက်တွေ အမှန်တကယ် ရှိနေသေးတဲ့အတွက် အားလုံးကဏ္ဍတစ်ရပ်အနေနဲ့ စုပေါင်း ပြီး ကိုယ်ရေးကိုယ်တာဆိုင်ရာငွေကြေးတွေ စီမံ ခန့်ခွဲနိုင်စွမ်းတွေရှိလာအောင် ပြည်သူတွေကို လိုအပ်တဲ့ စွမ်းရည်တွေ သတင်းအချက်အလက်တွေနဲ့ ကူညီထောက်ပံ့ပေးဖို့ အချိန်ကျရောက်ပါပြီ” ဟု ၄င်းကပြောသည်။

လူငါးဦးတွင် သုံးဦးသည် ယနေ့စီးပွားရေးအခြေအနေနှင့်နှိုင်းယှဉ်လျှင် နောက်နှစ်တွင် ပိုမိုကောင်းမွန်မည်ဟု ခန့်မှန်းကြသည်။ စစ်တမ်းဖြေဆိုသူ ၉၆ရာခိုင်နှုန်း လူငယ်များသည် လက်ရှိအခြေအနေထက် စီးပွားရေးပိုကောင်းလာမည်ဟု လက်ခံကြကြောင်း သိရသည်။

ဖြေဆိုသူများတွင် မြို့ပြနေအရွယ်ရောက်သူ ၃၈ရာခိုင်နှုန်းမှာ ဘဏ်စာရင်းရှိကြပြီး ၄၉ရာခိုင်နှုန်းမှာ ဘဏ်စာရင်းဖွင့်လှစ်လိုသည့် ဆန္ဒရှိကြသည်။ ၁၆ရာခိုင်နှုန်းမှာ အကြွေးဝယ်ကတ်များနှင့် အာမခံထား ရှိခြင်းများ အကြောင်းသိရှိထားကြောင်း ဖြေကြားကြသည်ဟု စာတမ်းတွင်ဖော်ပြထားသည်။

ဒီဂျစ်တယ်နည်းပညာနှင့် ငွေပေးချေးမှုကြောင့် မြန်မာစီးပွားရေးသည် ၂၀၁၁ခုနှစ်မှ ၂၀၁၅ခုနှစ်အ တွင်း ကျပ်ငွေ ၅၅ဘီလီယံ တိုးမြင့်ခဲ့ကြောင်း Visa ၏ Country Manager Arturo Planell ကပြော သည်။

မြန်မာနိုင်ငံ မြို့ပြလူထု၏ သဘောထားများကို သိရှိနိုင်ရန် ရန်ကုန်၊ မန္တလေး၊ တောင်ကြီး ပုသိမ်နှင့် မကွေးမြို့များတွင် လူဦးရေ ၁၀၄၄ဦးကို စစ်တမ်းကောက်ယူခဲ့ပြီး စစ်တမ်းတွင်မပါဝင်သူများ၏ သ ဘောထားအမြင်များကိုလည်း သိရှိနိုင်ရန် တစ်ဦးချင်းစီအား အသေးစိတ်မေးမြန်းထားသော အင်တာ ဗျူး ၈ခုကို ရန်ကုန်နှင့် မန္တလေးမြို့များတွင် အညီအမျှခွဲဝေ ပြုလုပ်ခဲ့ကာ   လေ့လာမှုအချက်အလက်များ ကောက်ယူမှုကို ၂၀၁၇ခုနှစ် သြဂုတ်တွင်ပြုလုပ်ခဲ့ကြောင်း Visa ကုမ္ပဏီက ဆိုသည်။