ဇွန် ၉ ။ ။ မြောက်ကိုရီးယားခေါင်းဆောင် ကင်မ်ဂျံုအန်း၊ အမေရိကန်သမ္မတ ဒေါ်နယ်ထရမ့်တို့နဲ့ ရုပ်တူအောင်လို့ ပုံဖမ်းထားသူနှစ်ဦးဟာ မနေ့က စင်ကာပူမှာ ထိပ်တိုက်တွေ့ဆုံခဲ့ကြပါတယ်။
ဒါဟာ လာမယ့်သီတင်းပတ် အမေရိကန်-မြောက်ကိုရီးယား အကြီးအကဲ နှစ်ဦးအကြား သမိုင်းဝင် ထိပ်သီးတွေ့ဆုံပွဲ မတိုင်ခင် ခုလိုမျိုး ခေါင်းဆောင်နှစ်ဦးနဲ့ ရုပ်တူအောင် ပုံဖမ်းထားသူနှစ်ဦးတို့ ကြိုတင် ဆုံဆည်းခဲ့ကြတာဖြစ်ပါတယ်။
ခုလိုမျိုး အမေရိကန်နဲ့ မြောက်ကိုရီးယား ခေါင်းဆောင် တို့နဲ့ ပုံတူအောင် ပုံဖမ်းထားကြသူနှစ်ဦးရဲ့ ဆုံဆည်းမှုကိုတော့ လူအများ စိတ်ဝင်တစားရှိခဲ့ကြပါတယ်။
ဒါပေမယ့်လည်း ယမန်နေ့ ဇွန်လ ၈ ရက်မှာပဲ ကင်မ်ဂျံုအန်းနဲ့ တူအောင် ပုံဖမ်းထားသူဖြစ်တဲ့ Howard X အမည်ရ အမျိုးသားကိုတော့ စင်ကာပူ အာဏာပိုင်တွေက ခေါ်ယူစစ်ဆေးမေးမြန်းခဲ့တယ်လို့ သိရပါတယ်။
ဒါ့အပြင် ထိပ်သီးအစည်းအဝေး ကျင်းပမယ့် နေရာနဲ့ ဆက်စပ်တဲ့ ဧရိယာတွေကနေ ခပ်ဝေးဝေးနေဖို့ ၎င်းကို သတိပေးခဲ့ကြောင်းလည်း ဟောင်ကောင်အခြေစိုက် လူတုဝိဇ္ဇာ Howard X ပြောသွားပါတယ်။
မြောက်ကိုရီးယားခေါင်းဆောင် ကင်မ်ဂျံုအန်းနဲ့ အမေရိကန်သမ္မတ ဒေါ်နယ်ထရမ့်တို့ကတော့ လာမယ့် ဇွန်လ ၁၂ ရက်မှာ စင်ကာပူမှာ သမိုင်းဝင်တွေ့ဆုံပွဲ ပြုလုပ်သွားဖို့ ရှိနေပါတယ်။