ရောမ၊ မေ ၂၄ ။ ။ အီတလီမြောက်ပိုင်း တူရင်မြို့အနီးတွင် ခရီးသည်တင်ရထားတစ်စီး လမ်းချော်မှုဖြစ်ရာ လူနှစ်ဦး သေဆုံးပြီး ၁၈ ဦး ဒဏ်ရာရကြောင်း ANSA သတင်းဌာနက မေ ၂၄ ရက်တွင် ဖော်ပြသည်။
တူရင်မြို့မှ ၃၅ ကီလိုမီတာခန့်အကွာ အရီကျေးရွာအနီး မေ ၂၃ ရက် ည ဆယ်တစ်နာရီခွဲခန့်တွင် ရထားလမ်းဆုံကို ဖြတ်သန်းရာ ထရပ်ကားတစ်စီးနှင့် ရထား တိုက်မိရာမှ လမ်းချော်ခြင်းဖြစ်သည်။
သေဆုံးဒဏ်ရာရသူများတွင် ရထားမောင်းသူလည်း ပါဝင်သည်။
ရထားစက်ခေါင်းနှင့်အတူ တွဲဆိုင်းနှစ်ဆိုင်း လမ်းချော်သွားခဲ့ခြင်း ဖြစ်သည်။