ကာလသားတွေရဲ့ လွဲလွဲလေးများ

.

ရေးသားသူ Dr. Thiha Phyo Myint
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

ဖုန်းတွေ၊အင်တာနက်တွေကို ကျယ်ကျယ်ပြန့်ပြန့်သုံးလာနိုင်တာနဲ့အမျှ ဒီခေတ်မြန်မာတွေဟာ တောရောမြို့ပါမကျန် မျက်စိနားတွေ ပွင့်လာကြပါတယ်။ ဒီလို ပွင့်လာတာနဲ့အမျှ လူငယ်လူရွယ်လူလတ်တွေရဲ့ လိင်မှုရေးရာအဖြာဖြာဟာလည်း ပိုမိုပွင့်လင်းမြင်သာလို့ လာပါတယ်။ အခုဆိုရင် လက်မထပ်ခင်အတူနေကြတာ အပါအဝင် ဖိုမဆက်ဆံရေးဟာ အရမ်းကြီးထူးဆန်းနေတဲ့ အရာတခု မဟုတ်တော့ပါဘူး။ မြန်မာတွေအသုံးအများဆုံး လူမှုကွန်ရက်ဖြစ်တဲ့ ဖေ့စ်ဘုတ်အပါအဝင် ဝဘ်ဆိုက်တွေမှာလည်း အပြာရောင်လွှမ်းတဲ့ ပေ့ခ်ျတွေ၊ဆိုက်တွေ ပလူပျံလာပါတယ်။ အဓိကအားဖြင့် ကာလသားတွေရဲ့ စားကျက်ဖြစ်တဲ့ ဒီပေ့ခ်ျတွေ၊ဝဘ်ဆိုက်တွေဆီကို ဆရာဝန် ကာလသားတဦးဖြစ်တဲ့ စာရေးသူလည်း ဘုရားဖူး၊လိပ်ဥတူးဆိုသလို အခါအားလျော်စွာ ဝင်ရောက်လေ့လာမိပါတယ်။ဒီလို လေ့လာတဲ့အခါ စိတ်မကောင်းစရာပြောရမလား၊ထိတ်လန့်စရာဆိုရမလား မဝေခွဲနိုင်တဲ့ အခြင်းအရာတွေကို တွေ့မြင်ရလေ့ရှိပါတယ်။ ဘာတွေလဲဆိုတော့ လိင်မှုရေးရာနဲ့ ပတ်သက်လို့ အတော်လေး အယူအဆ လွဲမှားနေတဲ့ အကြောင်းလေးတွေပါ။ အထူးသဖြင့် အမေးအဖြေပို့စ်လေးတွေမှာ ဒီလို အလွဲလေးတွေ၊သာမန်ဗဟုသုတလေးတွေကိုတောင် မှားယွင်းစွာ ယူဆနားလည်ပြီး မေးနေကြတဲ့အပြင် ဖြေပေးတဲ့သူတွေကလည်း ကာလသားကြီးတွေရဲ့ အစဉ်အဆက် ‘ဂျင်း’ တွေ၊ပေါက်ကရ အယူလွဲတွေကို ဝမ်းသာအားရနဲ့ ဖောက်သည်ချမျှဝေနေတာတွေကို တွေ့ရတဲ့အတွက် ဆရာဝန်တယောက်၊လူငယ်တယောက်အနေနဲ့ အတော်လေး မချင့်မရဲ ဖြစ်သင့်ပါတယ်။ တဆက်တည်းမှာပဲ အခြေခံကျောင်းတွေက စတင်ပြီး မျိုးဆက်ပွါးကျန်းမာရေးကို စနစ်တကျ သင်ကြားပေးသင့်ပါပြီ (တကယ်ထိထိရောက်ရောက်ပေါ့)။

ဒီဆောင်းပါးလေးမှာတော့ စာရေးသူ ကွန်ပြူတာရှေ့မှာ ကမ္ဘာပတ်စဉ်က မြင်တွေ့ခဲ့ရတဲ့ လိင်မှုဆိုင်ရာ လွဲလွဲလေးတွေကို စုစည်းမျှဝေပေးထားပါတယ်။ သင်ရော လွဲလွဲလေးတွေ ဖြစ်နေသလားဆိုတာ ဆန်းစစ်ကြည့်လိုက်ပါဦး။

၁။ ပါးစပ်နဲ့ လိင်ဆက်ဆံရင် ကိုယ်ဝန်ရနိုင်သလား/သုတ်ရည်ကို မြိုချရင် ကိုယ်ဝန်ရနိုင်သလား။

ဒါဟာ အပြာပေ့ခ်ျတွေ၊အမေးအဖြေကဏ္ဍတွေမှာ အတော်များများ တွေ့ရတဲ့ မေးခွန်းပါ။အောက်မှာ အကောင့်တုမျိုးစုံနဲ့ ပေါက်ကရခြောက်သောင်းဖြေပေးထားသူတွေကိုလည်း တွေ့ရပါသေးတယ်။ထားပါတော့။လိုရင်းကို ဆက်သွားရရင် ဒီမေးခွန်းကို ဖြေဖို့အတွက် လူ့ခန္ဓာကိုယ်ရဲ့ ခန္ဓာဗေဒဖွဲ့စည်းပုံကို အကြမ်းဖြင်းနားလည်ရပါမယ်။ ကိုယ်ဝန်ရဖို့အတွက် သုတ်ကောင်တက်သွားရမယ့် လမ်းကြောင်းဟာ သားအိမ်နဲ့ ဆက်စပ်နေတဲ့ အမျိုးသမီးမျိုးပွါးအင်္ဂါလမ်းကြောင်း ဖြစ်ပြီး သုတ်ရည်ကို ပါးစပ်ကမြိုချရင် ဆက်လက်ရောက်ရှိမယ့် လမ်းကြောင်းကတော့ အစာခြေအဖွဲ့အစည်းဆိုင်ရာ လမ်းကြောင်းပဲ ဖြစ်ပါတယ်။ ဒီလမ်းကြောင်းနှစ်ခုဟာ ဘယ်လိုမှ ဆက်စပ်မှုမရှိတဲ့ လမ်းကြောင်းနှစ်ခုဖြစ်တဲ့အတွက် ပါးစပ်နဲ့ လိင်ဆက်ဆံခြင်း၊သုတ်ရည်မြိုချခြင်းတို့ကြောင့် ကိုယ်ဝန်ရစရာအကြောင်း လုံးဝ (လုံးဝ) မရှိပါဘူး။ဆံပင်ခဏခဏ ညှပ်ရင် အသားမဲတတ်လားလို့ မေးသလိုပဲ ဘယ်လိုမှ မဖြစ်နိုင်၊အဓိပ္ပာယ်မရှိတဲ့ မေးခွန်းတခု ဖြစ်ပါတယ်။ ဒါပေမယ့် ပါးစပ်နဲ့ လိင်ဆက်ဆံခြင်း၊သုတ်ရည်မြိုချခြင်းတို့ကြောင့် AIDS အပါအဝင် လိင်မှတဆင့် ကူးစက်တတ်သော ရောဂါတွေ ပြန့်ပွါးကူးစက်လာနိုင်တဲ့အတွက် အထူးသတိပြုရပါမယ်။

၂။ စအိုနဲ့ လိင်ဆက်ဆံရင် ကိုယ်ဝန်ရနိုင်သလား။

ဒီမေးခွန်းဟာလည်း အပေါ်က မေးခွန်းနဲ့ ခပ်ဆင်ဆင်တူပါတယ်။ ပါးစပ်ဟာ အစာချေအဖွဲ့အစည်းဆိုင်ရာလမ်းကြောင်းရဲ့ အပေါ်ဆုံးနေရာဖြစ်ပြီး စအိုကတော့ အစာချေအဖွဲ့အစည်းဆိုင်ရာလမ်းကြောင်းရဲ့ အောက်ဆုံးနေရာ ဖြစ်ပါတယ်။ ဒါကြောင့် သုတ်ရည်တွေဟာ ဒီလမ်းကြောင်းထဲမှာပဲ ရှိနေမှာဖြစ်တဲ့အတွက် စအိုနဲ့ လိင်ဆက်ဆံရင်လည်း ကိုယ်ဝန်ရနိုင်စရာအကြောင်း လုံးဝ(လုံးဝ) မရှိပါဘူး။ သို့သော် …… သို့သော် သတိပြုရမှာ နှစ်ချက်ရှိနေပါတယ်။

တစ်အချက်က စအိုသည် မိန်းမကိုယ်ယောနိနဲ့ နီးကပ်စွာ ရှိနေတာကြောင့် စအိုထဲက သုတ်ရည်တွေဟာ ယောနိထဲ အနည်းငယ်ဝင်သွားပြီး ကိုယ်ဝန်ရလာတာမျိုး ဖြစ်သွားနိုင်ပါတယ်။

နှစ်အချက်က စအိုသည် လိင်ဆက်ဆံဖို့ သဘာဝက ဖန်တီးပေးထားတဲ့ နေရာမဟုတ်ဘဲ အညစ်အကြေးစွန့်ပစ်ဖို့ကိုပဲ ရည်ရွယ်တာကြောင့် သဘာဝနဲ့ ဆန့်ကျင်ပြီး လိင်ဆက်ဆံခြင်းဟာ ဆိုးကျိုးတွေဆီ ဦးတည်နိုင်ပါတယ်။မစင်အညစ်အကြေးတွေကတဆင့် ရောဂါကူးစက်ခြင်း၊တင်းကြပ်ပြီး စုတ်ပြဲလွယ်တဲ့ စအိုတစ်ရှူးတွေကြောင့် AIDS အပါအဝင် လိင်မှတဆင့် ကူးစက်တတ်သော ရောဂါတွေ အလွယ်တကူ ကူးစက်ပြန့်ပွါးနိုင်ခြင်းစတဲ့ ဆိုးကျိုးတွေပါပဲ။ဒါကြောင့် စအိုမှတဆင့် လိင်ဆက်ဆံခြင်းကို အတတ်နိုင်ဆုံး ရှောင်ကျဉ်သင့်ပြီး မရှောင်နိုင်ရင် အကာအကွယ်ပစ္စည်း (ကွန်ဒုံး) သုံးရမယ့်အပြင် သင့်တော်မှန်ကန်တဲ့ ချောဆီတွေကိုလည်း သုံးစွဲပေးရမှာ ဖြစ်ပါတယ်။

၃။ အထွတ်အထိပ်ရောက်တဲ့အထိ (ဝါ) သုတ်ရည်ထွက်တဲ့အထိ မဆက်ဆံရင် ကိုယ်ဝန်မရနိုင်ဘူး။

တချို့က မေးပါတယ်။ ကျွန်တော့်ကောင်မလေးနဲ့ ဆက်ဆံပေမယ့် သုတ်ရည်ထွက်တဲ့အထိ(ကိစ္စပြီးမြောက်တဲ့အထိ) မဆက်ဆံဘဲ တဝက်တပျက်နဲ့ ရပ်ထားလိုက်ပါတယ်။ ဒါဆိုရင် ကိုယ်ဝန်မရှိနိုင်ဘူးပေါ့နော် ဆိုပြီး မေးတာမျိုးပါ။ယေဘုယျအားဖြင့် သုတ်ရည်ကြောင့် ကိုယ်ဝန်ရတယ်ဆိုပေမယ့် အထွတ်အထိပ်ရောက်တဲ့အချိန်ကျမှ သုတ်ရည်ထွက်တာမဟုတ်ဘဲ ကနဦးအစပျိုးချိန် (foreplay)နဲ့ ဆက်ဆံနေဆဲကာလတွေမှာလည်း ရှေ့ပြေးသုတ်ရည်ကြည်လေးတွေ ထွက်တတ်ပြီး ကိုယ့်လူကံကောင်းရင် ခေါ်မလား၊ကံဆိုးရင် ခေါ်မလား …. ကိုယ်ဝန်ရသွားတတ်ပါတယ်။ ဒါကြောင့် မပြီးဘဲနဲ့လည်း ကိစ္စပြီးသွားနိုင်တာ (ကိုယ်ဝန်ရသွားနိုင်တာ)ကို သိထားရပါမယ်။ ထုံးစံအတိုင်း ထပ်မှာချင်တဲ့အချက်ကတော့ မလိုလားအပ်တဲ့ ကိုယ်ဝန်နဲ့ လိင်မှတဆင့်ကူးစက်တတ်သော ရောဂါတွေကို ကာကွယ်နိုင်ဖို့အတွက် အကာအကွယ်ပစ္စည်း(ကွန်ဒုံး) သုံးရမယ်ဆိုတာပါပဲ။

၎။ ကောင်မလေးနဲ့ အတူနေပြီးတဲ့အခါ အရေးပေါ်ပဋိသန္ဓေတားဆေး တိုက်လိုက်ရင် အားလုံးအေးဆေးပဲမလား။

ဒီမေးခွန်းရဲ့ အဖြေဟာ ယေဘုယျအားဖြင့်တော့ မှန်ပါတယ်၊ကိုယ်ဝန်မရနိုင်ပါဘူးလို့ ဖြေရမှာ ဖြစ်ပေမယ့် သူ့ရဲ့ ထိရောက်မှုဟာ ၇၅ – ၈၅ ရာခိုင်နှုန်းအကြားမှာပဲရှိတဲ့အပြင် အကာအကွယ်မပါတဲ့ လိင်ဆက်ဆံမှုပြုလုပ်အပြီး ၇၂နာရီအတွင်းမှာ သုံးစွဲမှသာလျင် အာနိသင်အထိရောက်ဆုံးဖြစ်မှာပါ။ ဒါ့အပြင် ဒီနေ့ခေတ်လူငယ်တွေဟာ အရေးပေါ်ပဋိသန္ဓေတားဆေးကို တလွဲသုံးပြီး ပဲကြီးလှော်စားသလို စားလာကြတဲ့အတွက် မလိုလားအပ်တဲ့ နောက်ဆက်တွဲပြဿနာတွေ အများကြီး ဖြစ်ပေါ်လာနိုင်ပါတယ်။ဒါကြောင့် ကိုယ့်ချစ်သူနဲ့ အတူနေမယ်ဆိုရင်လည်း အကာအကွယ်ပစ္စည်းသုံးဖို့ကိုပဲ ဦးစားပေး စဉ်းစားသင့်ပါတယ်။

၅။ ဆီလီကွန်ထိုးရင်၊ဂေါ်လီထည့်ရင် လိင်ဆက်ဆံဖက်က ပိုစွဲသလား။

ပထမဆုံး ပြောချင်တာကတော့ သဘာဝနဲ့ ဖီဆန်တဲ့ ဘယ်အရာမှ မကောင်းပါဘူးဆိုတာကိုပါပဲ။ သာမန်ထက်ကြီးမားရှည်လျားတဲ့ အမျိုးသားအင်္ဂါဟာ ဆက်ဆံဖော်အမျိုးသမီးကို နာကျင်စေသလို ဂေါ်လီထည့်ထားတဲ့ လိင်တံဟာလည်း ဆက်ဆံဖော်အမျိုးသမီးရဲ့ ယောနိအတွင်းပိုင်းကို စုတ်ပြဲဒါဏ်ရာရစေနိုင်တာကြောင့် နာကျင်စေမှာပါ။ လောကကြီးမှာ နာကျင်တဲ့ဝေဒနာကို ကြိုက်သူတော့ မရှိဘူးလို့ ထင်ပါတယ်။ ဒါကြောင့် ကာလသားကြီးတွေရဲ့ ပေါက်တတ်ကရ လမ်းညွှန်မှုတွေ၊အပြာစာပေတွေရဲ့ တလွဲဖော်ပြမှုတွေနောက်ကို ကောက်ကောက်ပါအောင် မလိုက်ပါနဲ့။ မိမိရဲ့ အဖော်အတွက် နာကျင်စေတဲ့အပြင် မိမိကိုယ်တိုင်အတွက်လည်း ကျန်းမာရေးပြဿနာတွေကို ခံစားရစေနိုင်ပါတယ်။ ဆီလီကွန်ကြီးဆေးထိုးပြီး ယောင်ကိုင်းပုပ်ပွ မရှုနိုင်မကယ်နိုင်ဖြစ်မှ ဆေးရုံတက် ခြစ်ထုတ်ရသူတွေ၊အင်္ဂါဖြတ်ပစ်ရသူတွေ ဒုနဲ့ဒေးပါ။ ဂေါ်လီထည့်ခြင်းဟာလည်း အရေပြားကို လှီးပြီးထည့်ရခြင်းဖြစ်တဲ့အတွက် မေးခိုင်ပိုးအပါအဝင် အခြားသော ကူးစက်ပိုးတွေကို ဖိတ်ခေါ်နေသလိုပါပဲ။ ဘယ်ဖက်ကကြည့်ကြည့် အကျိုးမရှိတဲ့ ကိစ္စမို့ ဒါမျိုးတွေကို လုံးဝမလုပ်သင့်ပါဘူး။

အထက်မှာ ဖော်ပြခဲ့တဲ့ မေးခွန်းတွေကတော့ အင်တာနက်ပေါ်မှာ အများစုမြင်တွေ့ရလေ့ရှိတဲ့ ခပ်လွဲလွဲ မေးခွန်းလေးတွေပါ။ဉာဏ်နဲ့တိုင်းဆ ဆင်ခြင်သိနိုင်ဖို့ မျှဝေပေးလိုက်ရပါတယ်။

ဤဆောင်းပါးကို Mizzima ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။