တရုတ်တွင် ကြီးမားသည့် လေသန့်စင်စက်ကြီးဖြင့် လေထုညစ်ညမ်းမှုကို လျှော့ချနေ

တရုတ်တွင် ကြီးမားသည့် လေသန့်စင်စက်ကြီးဖြင့် လေထုညစ်ညမ်းမှုကို လျှော့ချနေ

 

ဧပြီ ၂၁ ။                 ။ နိုင်ငံတွင် အဓိက တွေ့ကြုံနေရသည့် လေထုညစ်ညမ်းမှု ပြဿနာကို ကိုင်တွယ်ဖြေရှင်းနိုင်မည့် နည်းလမ်းတစ်ခု တရုတ်တို့ ထုတ်ဖော်တွေ့ရှိထားကြောင်း သိရသည်။

ယင်းကတော့ မီးခိုးမြူများ ထူထဲစွာ ရှိနေသည့် နိုင်ငံ၏ မြို့တစ်မြို့ အလယ်ခေါင်တွင် စက်ရုံခေါင်းတိုင် ပုံစံ ကြီးမားသည့် လေသန့်စင်စက်ကြီးတစ်ခုကို စမ်းသပ်အသုံးပြုလုပ်ဆောင်နေခြင်း ဖြစ်သည်။

နိုင်ငံမြောက်ပိုင်း ရှန်ဇီ ပြည်နယ်က စက်ရုံများ၏ ခေါင်းတိုင်များလိုမျိုး မီးခိုးမည်းများ အလိပ်လိုက် မှုတ်ထုတ်နေခြင်းမျိုးမဟုတ်ဘဲ အဆိုပါ အရှည် မီတာ ၆၀ ရှိ ယင်း လေသန့်စင်   ခေါင်းတိုင်စက်ကြီးကတော့ ဒေသ၏ မြို့တော် ရှီအန်း တွင် သန့်ရှင်းသည့် လေများကို ထုတ်လွှတ်ပေးနေခြင်း ဖြစ်သည်။

မြို့လယ်ခေါင်က အထပ်မြင့်တိုက်တွေအကြား ရှိနေသည့် အဆိုပါ လေသန့်စင်စက်ကတော့ နေ့စဉ် လေထု ကုဗမီတာ ငါးသန်းကနေ ၁၈ သန်းအကြားကို သန့်စင်ပေးနိုင်စွမ်း ရှိသည်ဟု သိရသည်။

အဆိုပါ လေသန့်စင်တာဝါကြီးအနေဖြင့် ၁၀ စတုရန်းကီလိုမီတာ ဧရိယာအတွင်း လေထုတွင် PM 2.5 ဟု ခေါ်သည့် အမှုန်အမွှား သိပ်သည်းဆကို ၁၀ ရာခိုင်နှုန်းကနေ ၁၉ ရာခိုင်နှုန်းအကြား လျှော့ချပေးနိုင်မည်ဟုလည်း သိရသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly