ကျောက်မဲမြို့ တိုးဂိတ်တွင် တပ်မတော်နေ့မတိုင်ခင် မိုင်းနှစ်လုံးကွဲ

ကျောက်မဲမြို့ တိုးဂိတ်တွင် တပ်မတော်နေ့မတိုင်ခင် မိုင်းနှစ်လုံးကွဲ
ဓာတ်ပုံ-Kyaukme News( ကျောက်မဲသတင်းစစ်စစ်)

မတ်လ ၂၇ ။            ။ ရှမ်းပြည်နယ်မြောက်ပိုင်း ကျောက်မဲမြို့တိုးဂိတ်တွင် တပ်မတော်နေ့မတိုင်ခင် မတ်လ၂၆ ရက်နေ့ ညပိုင်း၌ မိုင်းနှစ်လုံး ပေါက်ကွဲခဲ့ကြောင်း ကျောက်မဲမြို့ ရဲစခန်းမှ တာဝန်ရှိသူတစ်ဦးက အတည်ပြုဖြေကြားခဲ့သည်။

"မိုင်းကွဲတာတော့ဟုတ်တယ် ဒါပေမယ့်လောလောဆယ်မရှိဘူးဗျ အသေးစိတ်သိဖို့က၊  ၁၁နာရီ ၄၅လောက်က တစ်လုံး ၁၂နာရီကျော်လောက်မှာ တစ်လုံး"ဟု ဟု ကျောက်မဲမြို့ ရဲစခန်းမှ တာဝန်ရှိသူတစ်ဦးက မဇ္ဈိမကိုပြောသည်။

ပေါက်ကွဲခဲ့သည့် ဗုံးအမျိုးအစားကို ပြောပြခြင်းမရှိသော်လည်း ဗုံးပေါက်ကွဲမှုကြောင့် ထိခိုက်ဒဏ်ရာရရှိသူ မရှိခဲ့ကြောင်း ၎င်းကပြောသည်။

လက်ရှိအခြေအနေကိုဆက်လက်မေးမြန်းရာ မြို့ပေါ်မှလွဲလျှင် အကုန်လုံးက လက်နက်ကိုင်များဖြစ်ကြောင်း တာဝန်ကျရဲဝန်ထမ်းမှ ပြန်လည်ဖြေကြားခဲ့သည်။ ၎င်းညပိုင်းတွင် သေနတ်သံကြားခဲ့ရသည်ဟု လူမှုကွန်ရက်ပေါ်တွင်ပြန့်နှံ့ခဲ့သော်လည်း မြို့ပေါ်တွင်တည်ငြိမ်လျက်ရှိသည်ဟု ဆိုသည်။

လူမှုကွန်ရက်များပေါ်တွင်  မိုင်း ၃ လုံးပေါက်ကွဲသည်ဟု သတင်းများ ထွက်ပေါ်ခဲ့ခြင်း ဖြစ်သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required