ဆော်ဒီအာရေဗျတွင် နိုင်ငံသားအား သေဒဏ်ပေးခြင်းအတွက် အင်ဒိုနီးရှားက ဆန္ဒပြ

ဆော်ဒီအာရေဗျတွင် နိုင်ငံသားအား သေဒဏ်ပေးခြင်းအတွက် အင်ဒိုနီးရှားက ဆန္ဒပြ

ဂျကာတာ၊ မတ် ၂၀ ။        ။ ဆော်ဒီရေဗျနိုင်ငံအတွင်း ၂၀၀၈ ခုနှစ်က အင်ဒိုနီးရှားနိုင်ငံသားတစ်ဦးကို သေဒဏ်အပြစ်ဒဏ်ချမှတ်ထားခဲ့ခြင်းအတွက် အင်ဒိုနီးရှားနိုင်ငံ မြို့တော်ဂျကာတာရှိ ဆော်ဒီအာရေဗျသံရုံးရှေ့တွင် ဒါဇင်များစွာသော ပြည်သူများက မတ် ၂၀ ရက်တွင် ဆန္ဒပြကြသည်။

ဒရိုင်ဗာတစ်ဦးအဖြစ် လုပ်ကိုင်သော အင်ဒိုနီးရှားနိုင်ငံသား မိုဟာမတ်ဇိုင်နီမစ်ရင်းသည် ၎င်း၏အလုပ်ရှင် အဗ္ဗဒူလက်ရှ်ဘင်အူမာမိုဟာမတ်ကို သတ်ဖြတ်မှုအတွက် ၂၀၀၈ ခုနှစ်အတွင်း သေဒဏ်စီရင်ချမှတ်ခံရခြင်း ဖြစ်သည်။

၎င်းအား မတ် ၁၈ ရက်က သေဒဏ်ပေးခဲ့ခြင်းဖြစ်ပြီး အင်ဒိုနီးရှားနိုင်ငံသို့ အကြောင်းကြားခဲ့ခြင်း ဖြစ်သည်။ ဂျကာတာသံရုံးရှေ့ဆန္ဒပြသူများသူများက မိုဟာမတ်ဇိုင်နီအား အတင်းအကျပ်ဝန်ခံခိုင်းပြီး မမျှမတ တရားစီရင်ခြင်း ဖြစ်သည်ဟု စွပ်စွဲကြသည်။

၂၀၁၅ ခုနှစ်က စကာ အင်ဒိုနီးရှားသမ္မတ ဂျိုကိုဝီဒိုဒိုနှင့် ကောင်စစ်ဝန်များက မိုဟာမတ်ဇိုင်နီ၏ အမှုအတွက် သက်ညှာခွင့်နှင့် မျှတရေးတို့ကို လိုက်ပါကြိုးစားဆောင်ရွက်ခဲ့သည်။

အင်ဒိုနီးရှားအရပ်ဖက်အဖွဲ့အစည်းများ ကြီးမှူးကျင်းပသည့် ယခုဆန္ဒပြမှုတွင် ကမ္ဘာအနှံ့က တရားစွဲခံအင်ဒိုနီးရှားနိုင်ငံသားများ လွတ်မြောက်ရေးနှင့် နိုင်ငံအတွင်း သေဒဏ်အား တရားဝင်ဆိုင်းငံ့မိန့် ပြဌားန်းရေးတို့အတွက် တောင်းဆိုကြသည်။

Mizzima Weekly