သူမကို လှောင်ပြောင်ကြော်ငြာထားသည့် Snapchat အား ဖျက်ပစ်ရန် ပရိသတ်များကို ရီဟားနားတိုက်တွန်း

သူမကို လှောင်ပြောင်ကြော်ငြာထားသည့် Snapchat အား ဖျက်ပစ်ရန် ပရိသတ်များကို ရီဟားနားတိုက်တွန်း

 

 

လူမှုမီဒီယာအက်ပလီကေးရှင်းတစ်ခုဖြစ်သော Snapchat သည် အဆိုတော်ရီဟားနားအား လွန်ခဲ့သော ၂၀၀၉ ခုနှစ်က သူမ၏ရည်းစားဟောင်းဖြစ်သူ ခရစ္စဘရောင်း ကိုယ်ထိလက်ရောက် ရိုက်နှက်ခဲ့သည့်ပုံစံဖြင့် ကြော်ငြာခဲ့ သည့်အတွက် ယင်းအက်ပလီကေးရှင်းကို ဖုန်းအတွင်းမှဖျက်ပစ်ကြရန် ရီဟားနားက သူမ၏ပရိသတ်များကို ကြာသာပတေးနေ့က တိုက်တွန်းခဲ့သည်။

ထို့ကြောင့် Snapchat ကိုပိုင်ဆိုင်သောကုမ္ပဏီ၏ ရှယ်ယာတန်ဖိုးများသည် ကြာသာပတေးနေ့က ၄.၇ ရာခိုင် နှုန်းအထိ ကျဆင်းသွားခဲ့သည်။

“Snapchat ရေ။ မင်းဟာငါနှစ်သက်တဲ့ အက်ပလီကေးရှင်းတစ်ခုမဟုတ်ပါဘူး။ ဒါပေမယ့် ငါ့အတွက်စိတ်ရှုပ် စရာကိစ္စတစ်ခုကိုတော့ ရှင်းရတော့မယ်။ မင်းတို့ဟာ အိမ်တွင်းအကြမ်းဖက်ခံရတဲ့ သားကောင်တွေကို အရှက်ခွဲ တဲ့ပုံစံနဲ့ ကြော်ငြာတစ်ခုဖန်တီးခဲ့တယ်။ မင်းတို့အစားရှက်လိုက်တာ” ဟု ရီဟားနားက သူမ၏ အင်စတာဂရမ်၌ ကြာသာပတေးနေ့က ရေးသားခဲ့သည်။ ဒါ့အပြင် သူမ၏ပရိသတ်များအနေဖြင့်လည်း ယင်းအက်ပလီကေးရှင်း ကို ဖျက်ပစ်ကြဖို့ တိုက်တွန်းခဲ့သည်။

အသက် ၃၀ အရွယ်ရှိ နာမည်ကြီးအဆိုတော်ရီဟားနားအား ယခုအပတ်အစောပိုင်းတွင် Snapchat က ယင်းကိစ္စနှင့်ပက်သက်၍ တောင်းပန်ခဲ့ပြီး Would You Rather ဟု အမည်ပေးထားသော ၎င်းတို့၏မိုဘိုင်းဂိမ်း ၏ကြော်ငြာကြောင့် ရီဟားနားအားအရှက်ရစေခဲ့သည့်အတွက် ယင်းကြော်ငြာကိုလည်း ဖြုတ်ချခဲ့သည်။

Snapchat ၏ ကြော်ငြာတွင် ရီဟားနားနှင့် ခရစ္စဘရောင်းတို့အား၏ ရုပ်ပုံများကိုပြသထားပြီး ထို့နောက်တွင် “ရီဟားနားကိုပါးရိုက်လိုက်”၊ “ခရစ္စဘရောင်းကိုထိုးလိုက်” ဟူ၍ စာရေးသားထားခဲ့သည်။ ယင်းကြော်ငြာနှင့် ဂိမ်းတို့ကို လက်ရှိအချိန်တွင် Snapchat ၏လက်အောက်တွင် ထားရှိခြင်းမရှိတော့ကြောင်း သိရသည်။

Snapchat က ယင်းကြော်ငြာသည် အလွန်ကိုစက်စုပ်ဖွယ်ရာကောင်းပြီး ၎င်းတို့၏ဝန်ဆောင်မှု၌ မပေါ်ပေါက် လာသင့်သည့်အရာတစ်ခုဖြစ်ကြောင်း ကြာသာပတေးနေ့က တောင်းပန်ခဲ့သည်။

R&B အဆိုတော် ခရစ္စဘရောင်းသည် လွန်ခဲ့သော ၂၀၀၉ ခုနှစ်က ရီးဟားနားအား ရိုက်နှက်ခဲ့သည့်အတွက် သူမ၏မျက်နှာပေါ်၌ ပွန်းပဲ့ဒဏ်ရာများရရှိခဲ့ပြီး သူ့ကိုလည်း ကမ္ဘာတစ်ဝန်းက ပြစ်တင်ဝေဖန်ခဲ့ကြသည်။

ရီဟားနား၏ တိုက်တွန်းချက်အပြီးတွင် သူမ၏ပရိတ်သတ်များက သူတို့သည် Snapchat app ကို ဖျက်ပစ် တော့မည်ဖြစ်ကြောင်း တွစ်တာပေါ်၌ ကြာသာပတေးနေ့က ရေးသားခဲ့ကြသည်။

Snapchat သည် လွန်ခဲ့သော ဖေဖေါ်ဝါရီလကလည်း ၎င်းတို့၏ ဒီဇိုင်းအသစ်နှင့်ပက်သက်၍ မော်ဒယ်မလေး ကိုင်လီဂျန်နာ၏မှတ်ချက်ကြောင့် ဈေးကွက်အတွင်း ဒေါ်လာ ၁.၅ ဘီလျံခန့် နစ်နာခဲ့ရသည့် ဖြစ်ရပ်နှင့်လည်း ရင်ဆိုင်ခဲ့ရသည်။

Ref: Reuters

 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required