နေပြည်တော် (မဇ္ဈိမ) ။ ။ နိုင်ငံတော်သမ္မတ၏ သဘောထားမှတ်ချက်ဖြင့် ပြန်လည်ပေးပို့လာသော ရုပ်မြင်သံကြားနှင့် အသံထုတ်လွှင့်ခြင်းဆိုင်ရာဥပဒေကြမ်းနှင့် စပ်လျဉ်း၍ လွှတ်တော်အမတ်နှစ်ဦးက ဩဂုတ် ၂၄ ပြည်ထောင်စုလွှတ်တော်တွင် ဆွေးနွေးမည်ဖြစ်ပြီး တစ်ပိုဒ်ချင်းစီအလိုက် အတည်ပြုရန် လွှတ်တော်၏ အဆုံးအဖြတ် ရယူမည်ဖြစ်သည်။
အဆိုပါ ဥပဒေကြမ်းအပေါ် လွှတ်တော်အမတ်နှစ်ဦးဖြစ်သည့် ဦးခိုင်မောင်ရည်နှင့် ဦးစိုးပိုင်တို့က ဆွေးနွေးမည်ဖြစ်သည်ဟု အစည်းအဝေး အစီအစဉ်(၁၁)တွင် ပါရှိသည်။
အဆိုပါ ဥပဒေကြမ်းတွင် အခန်းပေါင်း(၁၄)ခန်းနှင့် ပုဒ်မပေါင်း တစ်ရာကျော် ပါဝင်သည်။
