စားသောက်ကုန် ထုတ်လုပ်ရက်နှင့် သက်တမ်းကုန်ရက်စွဲများအား မြန်မာဘာသာဖြင့် ဖော်ပြရန် ဆောင်ရွက်နေ

စားသောက်ကုန် ထုတ်လုပ်ရက်နှင့် သက်တမ်းကုန်ရက်စွဲများအား မြန်မာဘာသာဖြင့် ဖော်ပြရန် ဆောင်ရွက်နေ

 

စားသောက်ကုန်ဆိုင်ရာ ထုတ်ကုန်ပစ္စည်းများတွင် အများပြည်သူဆိုင်ရာ လိုအပ်ချက်တစ်ခုအရ ထုတ်လုပ် သည့် ရက်စွဲနှင့် သက်တမ်းကုန်ရက်စွဲများအား   မြန်မာဘာသာဖြင့် ဖော်ပြရန်   ဆောင်ရွက်နေကြောင်း မကွေးတိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာနမှသိရသည်။

လက်ရှိအစားအသောက်ဥပဒေ၏ Labeling Section တွင် ထုတ်လုပ်သည့်ရက်စွဲနှင့် သက်တမ်းကုန်မည့် ရက်စွဲ က ိုဖော်ပြရမည်ဟု ပြဌာန်းပါရှိသော်လည်း မြန်မာဘာသာ (သို့)အင်္ဂလိပ်ဘာသာ စသဖြင့် အတိအကျ မရှိသေးသည့်အတွက် ယင်း သို့ ပြဋ္ဌာန်းပါရှိရန် ဌာနအနေဖြင့် ဆောင်ရွက်နေကြောင်း အစားအသောက် နှင့်ဆေးဝါးကွပ်ကဲရေးဦးစီးဌာန ၊ မကွေးတိုင်း တာဝန်ခံ ဒေါက်တာပြည့်ထူးက ပြောသည်။

၂၀၁၆ ခုနှစ်ကထက်စာရင် ဒိတ်ကိုကြည့်ပြီး ဝယ်သင့်သည့်ဆိုသည့် Consumer Knowledge ကျယ်ပြန့် လာသည်ကို တွေ့ရသော်လည်း ရာခိုင်နှုန်းအနေနှင့် နည်းပါးနေသေးကြောင်း၊ မြို့ပြနှင့် ကျေးလက်နေသူများ၏ ၄၀ရာခိုင်နှုန်းခန့်သာ သိရှိနိုင်သေးကြောင်း ဒေါက်တာပြည့်ထူးက ဆိုသည်။

“ Expire Date က ဘယ်ဟာလဲ၊ ဘယ်နားမှာ ရေးထားတာလဲ၊ ဒါမျိုးတောင် သိနိုင်အောင် လုပ်ရဖို့တွေ ရှိတယ်၊ ဒါ့ကြောင့် ထုတ်လုပ်တဲ့ စက်ရုံလုပ်ငန်းရှင်တွေနဲ့ ဆွေးနွေးတဲ့အခါမှာ Expire Date ကို မြန်မာလို ဖော်ပြဖို့ထိ ပြောထားတာရှိပါတယ်၊ ထုတ်ကုန်နဲ့ပတ်သက်ပြီး Labeling Law မှာ မုန့်တွေထဲက အချို့မှာ Date ဖော်ပြထားပေမယ့် ထုတ်လုပ်တဲ့ Date နဲ့ နောက်ဆုံးသုံးစွဲရမယ့် Date ကို ကွဲကွဲပြားပြား ဖော်ပြတာမျိုး မဟုတ်ဘဲနဲ့ စားသုံးသူ ထင်ယောင်ထင်မှား ဖြစ်အောင်ရည်ရွယ်ပြီး လုပ်တဲ့အနေအထားကို စစ်ဆေးတဲ့အခါ တွေ့ရပါတယ်။ နောက်ဆုံးသုံးစွဲရမယ့် ရက်စွဲကို ပြင်ဆင်ထားတဲ့ကိတ်မုန့် တွေလည်း တွေ့ရပါတယ်” ဟု စားသုံးသူ ရေးရာဦးစီးဌာန ၊ ဒုတိယတိုင်းဦးစီးမှူး ဒေါ်အေးအေးမိုး က ပြောသည်။

စားသောက်ကုန်ဆိုင်ရာ အဓိပ္ပါယ် ရှင်းလင်းချက်များကို မြန်မာဘာသာဖြင့် ဖော်ပြခြင်းမှာ ကျေးလက်နေပြည်သူ များ ၊ ကျောင်းသားလူငယ်များအတွက် များစွာအထောက်အပံ့ဖြစ်နိုင်ပြီး သက်တမ်းလွန် မုန့်ရောင်းချသူများ အားလည်း ထိရောက်စွာ အရေးယူပေးစေလိုကြောင်း မင်းဘူးမြို့မှ ကျောင်းသားမိဘတစ်ဦးဖြစ်သူ ဦးကြည်ရွှေ က ပြောသည်။

 

Mizzima Weekly