NEWS FLASH:  မင်းဘူးမြို့အနီး တပ်မတော်တိုက်လေယာဉ် ပျက်ကျ

YOPE ရုပ်/သံ Mizzima English

နှင်းဆီအငြိမ့်အဖွဲ့မှ နှင်းဆီမင်းသားများ ပရိသတ်များနှင့် တွေ့ဆုံ

.

 

ရန်ကုန် ၊ ဇန်န၀ါရီ ၁၈ ။          ။ ရခိုင်ဒေသ ပြန်လည် ဖွံ့ဖြိုးရေး အတွက် ၂ ရက်တာ ကျင်းပပြုလုပ်မည့် နှင်းဆီနယ်နိမိတ် အငြိမ့် ဖျော်ဖြေပွဲ အတွက် လက်မှတ်များကို ပါဝင်သည့် နှင်းဆီမင်းသားများမှ ဇန်န၀ါရီ ၁၈ရက်တွင် ပရိသတ်များနှင့် တွေ့ဆုံပြီး အမှတ်တရ လက်မှတ်ရေးထိုး ရောင်းချပေးခဲ့သည်။

အဆိုပါ ပွဲကို ဇန်န၀ါရီ ၁၈ ရက်တွင် ရန်ကုန်မြို့ရှိ တော်ဝင်စင်တာ ပရိုမိုးရှင်း ဧရိယာ၌ ကျင်းပ ပြုလုပ်ခဲ့ပြီး နှင်းဆီနယ်နိမိတ် အငြိမ့်တွင် လူရွှင်တော်များ ဖြစ်ကြသည့် မင်းမော်ကွန်း၊ နေတိုး၊ ကျော်ကျော်ဗို၊ ထွန်းထွန်း၊ ရဲလေး တို့မှ ပရိသတ်များနှင့် ရင်းရင်းနှီးနှီး တွေ့ဆုံ အမှတ်တရ လက်မှတ်ရေးထိုးခဲ့ပြီး ပဟေဠိ အစီအစဉ်များ ၊ Bella Cosmetic မှ ကျပ်ငါးသောင်းတန် Bella Gift Set များ ၊ အမျိုးသားသုံး မိတ်ကပ်ပစ္စည်းများ ၊ အကယ်ဒမီ Set များ အပါအ၀င် ဆုပေါင်း ၁၀၀ကျော်ကို မဲဖောက်ပေးခဲ့သည်။

နှင်းဆီနယ်နိမိတ် အငြိမ့် ဖျော်ဖြေပွဲကို မြန်မာနိုင်ငံအစည်းအရုံးမှ ကြီးမှူးပြီး နှင်းဆီရင်ခွင် လူမှုကူညီရေး ဖောင်ဒေးရှင်း ၏ ရခိုင်ဒေသ ပြန်လည် ဖွံ့ဖြိုးရေး အတွက် ကျင်းပပြုလုပ်သည့် ဖျော်ဖြေပွဲ တစ်ခုလည်း ဖြစ်သည်။

ထိုအငြိမ့် ဖျော်ဖြေပွဲတွင် လူရွှင်တော် မင်းမော်ကွန်း၊ နေတိုး၊ ကျော်ကျော်ဗို၊ ထွန်းထွန်း၊ ရဲလေးနှင့် မင်းသမီး ဖူးစုံ၊ မေကဗျာ၊ မိုးပြည့်ပြည့်မောင်၊ မိုးယုစံ တို့မှ ဖျော်ဖြေကြမည် ဖြစ်သလို  တခြား နာမည်ကြီး အနုပညာရှင် များမှလည်း ပါဝင်အားဖြည့် ကူညီကြမည်ဖြစ်သည်။  

လက်မှတ်များကို VIP လက်မှတ်ကို ကျပ် တစ်သိန်း သတ်မှတ်ထားသလို  ကျပ် ၅သောင်း ၊ ကျပ် ၃သောင်း ၊ ကျပ် တစ်သောင်း စသည်ဖြင့် သတ်မှတ်ထားကာ မန်းသီရိတေးသံသွင်း ၊ တော်ဝင်စင်တာ ၊ A&T မုန့်တိုက် ၊ NOBODY (Yankin Center ) ၊ Country Home Cafe & Salon ( Moe Kaung Road , Next to Shwe Kaung HotPot) ၊ ABC Convenience Store ၊ Wai Yan Electronics နှင့် Sony ၊ LG Showroom တို့တွင် ၀ယ်ယူရရှိနိုင်မည် ဖြစ်သည်။

နှင်းဆီနယ်နိမိတ် အငြိမ့် ဖျော်ဖြေပွဲကို ဇန်န၀ါရီ ၁၉ ရက် နှင့် ၂၀ရက်တို့တွင် ရန်ကုန်မြို့ရှိ အမျိုးသားကဇာတ် ရုံ တွင် ကျင်းပ ပြုလုပ်သွားမည် ဖြစ်ပြီး Channel 9 ၊ MNTV (FTA) ရုပ်သံလိုင်းတို့မှ တိုက်ရိုက် (Live) ထုတ်လွှင့် ပြသမည်ဖြစ်သည်။