မန္တလေး၊ဇန်နဝါရီ ၅ ။ ။ မန္တလေးမြို့တွင် နှစ်သစ်ကူးညက အမှုအခင်းဖြစ်ပွားမှုနှင့်လူသေဆုံးမှုမရှိခဲ့ကြောင်း ခရိုင်ရဲတပ်ဖွဲ့မှူး ဒုရဲမှူးကြီးမျိုးအောင်က ပြောသည်။
"ဖြစ်ပွားနိုင်တဲ့ လူစည်ကားတဲ့နေရာ လေးနေရာဖြစ်တဲ့ ကျံုးဘေး၊ကန်တော်ကြီး၊တံခွန်တိုင်အဝိုင်းနဲ့မနော်ရမ္မံဥယျာဉ်ဘက်တွေမှာ လုံခြံုရေးအပြည့်အဝယူပြီး ဆောင်ရွက်ခဲ့တယ်။အဲလိုလုပ်ဖို့အတွက် အစီအမံတွေကိုလည်း နယ်/လုံကြီး ဆီကို ကြိုပြီးတင်ခဲ့တယ်။ဘာမှကြီးကြီးမားမား ဖြစ်တာမရှိခဲ့ပါဘူး။"ဟု ဒုရဲမှူးကြီး မျိုးအောင်ကပြောသည်။
အဆိုပါ နှစ်သစ်ကူးညက ယာဉ်တိုက်မှုနှစ်ခုနှင့်အနည်းငယ်ထိခိုက်ဒဏ်ရာ ရရှိသူ တစ်ဦးသာ ရှိခဲ့သည်ဟု ဒုရဲမှူးကြီး မျိုးအောင်ကဆိုသည်။
၂၀၁၈ခုနှစ်၊နှစ်သစ်ကူးညတွင် ယာဉ်မတော်တဆဖြစ်မှုနှင့် ခိုက်ရန်ဖြစ်ပွားမှုတို့ကြောင့် ထိခိုက်ဒဏ်ရာရကာ ဆေးရုံတက်ရောက်သူ ၆၁ဦးရှိပြီး ယာဉ်တိုက်မှုကြောင့် သေဆုံးသူ ၄ဦးရှိကြောင်း မန္တလေးအထွေထွေရောဂါကုဆေးရုံကြီး ဆေးလူမှုဆက်ဆံရေးဌာနမှ သိရသည်။
