မန်စီးတီးအသင်းဟာ ကွင်းလယ်ကစားသမား ကီဗင်ဒီဘရိုင်းနှင့် ရေရှည်သက်တမ်းရှိ စာချုပ်သစ်တစ်ရပ် သဘောတူညီမှုရရှိရန် နီးစပ်နေတယ်လို့ သိရပါတယ်။
အသက် ၂၆ နှစ်ရှိ ဘယ်လ်ဂျီယံလက်ရွေးစင်ကစားသမားဟာ ၂၀၁၅ ခုနှစ်က ဝုတ်ဘတ်အသင်းမှ မန်းစီးတီးအသင်သို့ ကလပ်စံချိန်တင် ပြောင်းရွှေ့ကြေး ပေါင် ၅၅ သန်းဖြင့် ၆ နှစ် စာချုပ်ချုပ်ဆိုခဲ့ပါတယ်။
“ကျနော် အလွန်ပျော်ရွှင်ပါတယ်။ ကျနော် ဒီကနေ ဘယ်နေရာကိုမှ ထွက်ခွာသွားဖို့ ခံစားမှု မရှိပါဘူး”လို့ ဒီဘရိုင်းက ပြောပါတယ်။
ချယ်လ်ဆီးကစားသမားဟောင်းဟာ ဒီရာသီ ပရီးမီးယားလိဂ်မှာ ၆ ဂိုး သွင်းယူထားပြီး ဂိုးဖန်တီးမှု ၈ ကြိမ်အထိ ပြုလုပ်ခဲ့ပါတယ်။ ထို့အတူ မန်စီးတီးအသင်းဟာလည်း လိဂ်ပွဲ ၁၆ ပွဲဆက် အနိုင်ရရှိထားပါတယ်။
စီးတီးဟာ ဒီရာသီအကုန်မှာ စာချုပ်သက်တမ်းကုန်ဆုံးတော့မယ့် ဘရာဇီးကွင်းလယ်လူ ဖာနန်ဒီဟိုနှင့်လည်း စာချုပ်သစ်အတွက် သဘောတူဖို့ မျှော်လင့်နေပါတယ်။
Ref; BBC
