မဲဆန္ဒရှင် ၁ရာခိုင်နှုန်း၏ တိုင်တန်းမှုဖြင့် သက်ဆိုင်ရာ လွှတ်တော်အမတ်တစ်ဦးဦးကို လွှတ်တော်အမတ်အဖြစ်မှ ရုပ်သိမ်းခွင့်ရှိမည်ဆိုပါက `လွှတ်တော်ကိုယ်စားလှယ်များကို သမင်မွေးရင်း ကျားစားရင်းဖြစ် ပါလိမ့်မယ်´ ဟု ရှမ်းပြည်နယ် မဲဆန္ဒနယ်အမှတ်(၉)မှ လွှတ်တော်အမတ် ဦးနေဝင်းထွန်းက လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်းအား အတည်ပြုသင့်၊ မသင့်ဆွေးနွေး စဉ် ထည့်သွင်းပြောဆိုသွားသည်။
တပ်မတော်သားအမတ်ဖြစ်သူ ဗိုလ်မှူးချုပ်တင့်ဆန်းကမူ အဆိုပါ ဥပဒေကြမ်းအား အမြန်ဆုံးပြဌာန်းသင့်သည်ဟု ဆွေးနွေးသွားသည်။
လက်ရှိတွင် လွှတ်တော်အစည်းအဝေးအား မိနစ် ၂၀ခန့်ရပ်နားထားပြီး လွှတ်တော်အမတ် ၁၅ဦး ဆွေးနွေးပြီးချိန်တွင် မဲခွဲဆုံးဖြတ်မည်ဖြစ်သည်။
