နိုဝင်ဘာ ၂၇၊ အီတလီ ။ ။ အေစီမီလန်အသင်းသည် ရလဒ်များဆိုးရွားမှုကြောင့် နည်းပြမွန်တဲလားကို ရာထူးမှထုတ်ပယ်လိုက်ပြီး ကစားသမားဟောင်း ဂတ်တူဆိုကို နည်းပြသစ်အဖြစ် ခန့်အပ်လိုက်ပြီ ဖြစ်သည်။
မွန်တဲလားသည် ၂၀၁၆ ခုနှစ်ကစတင်ပြီး အေစီမီလန်အသင်းကို စတင်ကိုင်တွယ်ခဲ့သူ ဖြစ်သည်။ ပထမဆုံးရာသီတွင် စီးရီးအေ၌ အဆင့်ခြောက်နေရာရရှိအောင် စွမ်းဆောင်ပေးနိုင်ခဲ့ပြီး အေစီမီလန်အသင်းမှာ ယူရိုပါလိဂ်ပြိုင်ပွဲဝင်ခွင့်ရရှိခဲ့သည်။
သို့သော် ယခုနှစ်ရာသီတွင် အေစီမီလန်အသင်းမှာ ပွဲစဉ် ၁၄ ပွဲပြီးဆုံးချိန်၌ နိုင်ပွဲ ၆ ပွဲသာ ရရှိပြီး အဆင့် ရ နေရာသို့ ရောက်ရှိနေသည်။ မွန်တဲလားသည် ၂၀၁၉ ခုနှစ်အထိ စာချုပ်သက်တမ်းတိုး ချုပ်ဆိုထားသော်လည်း အသင်းရလဒ်များ ဆိုးရွားနေခြင်းကြောင့် အေစီမီလန်အသင်းအာဏာပိုင်များက ရာထူးမှ ထုတ်ပယ်လိုက်ခြင်း ဖြစ်သည်။
အေစီမီလန်အသင်းသည် နည်းပြသစ်အဖြစ် ကစားသမားဟောင်း ဂတ်တူဆိုကို ချက်ခြင်း ခန့်အပ်ခဲ့သည်။ အသက် ၃၉ နှစ်အရွယ်ရှိ ဂတ်တူဆိုမှာ နည်းပြအတွေ့အကြုံနည်းပါးသူဖြစ်ပြီး လက်ရှိတွင် အေစီမီလန်လူငယ်အသင်းကို ကိုင်တွယ်နေသူ ဖြစ်သည်။
ရည်ညွှန်း ဘီဘီစီ
