ရှမ်းပြည်နယ်မြောက်ပိုင်း နမ္မတူမြို့လေးမှာရှိတဲ့ ကြူဆော့၊ လီဆူနဲ့ ကေဘီစီ (ကချင်ကမ့်ပ်)လိုခေါ်တဲ့ စစ်ရှောင်စခန်းတွေမှာ ရှိနေသူတွေကတော့ မန်တုံမြို့နယ်မှာရှိတဲ့ ကျေးရွာတွေက ဖြစ်ပါတယ်။ ဒီစခန်းတွေမှာရှိနေတဲ့ လူဦးရေအများစုက အမျိုးသမီး၊ ကလေးသူငယ်တွေနဲ့ သက်ကြီးရွယ်အိုတွေပဲ ဖြစ်ပါတယ်။ သူတို့ဟာ စားဝတ်နေရေးအတွက် တောင်ယာစိုက်ခြင်း၊ နေ့စားလုပ်ကိုင်ခြင်းနဲ့ အခြားသောအရပ်ဒေသတွေမှာ အလုပ်သွားရောက် လုပ်ကိုင်ခြင်းတွေကို ပြုလုပ်ကြပါတယ်။

ဒီအလုပ်တွေထဲကမှ အများစု အားကိုးအားထားပြုလုပ်ကိုင်တဲ့ အလုပ်ကတော့ ပြောင်းဖူးစိုက်ပျိုးခြင်းပဲ ဖြစ်ပါတယ်။ အစိုးရမဟုတ်တဲ့ အဖွဲ့အစည်းတွေက အရင်းအနှီးထုတ်ပေးတဲ့အပေါ် မြေငှားပြီး တရုတ်နိုင်ငံကိုတင်ပို့ရတဲ့ ပြောင်းဖူးအမျိုးအစားတွေကို စိုက်ပျိုးကြတာပါ။

ပြောင်းဖူးကိုစိုက်ပျိုးခြင်း၊ နေလှန်းခြင်း၊ ချွေခြင်းနဲ့ စျေးကွက်ထဲအထိရောက်အောင် လုပ်ဆောင်နေကြသူမှာ အမျိုးသမီးတွေက အဓိကပါဝင်ပါတယ်။

ကျန်းမာသန်စွမ်းပြီး အလုပ်လုပ်ကိုင်နိုင်တဲ အမျိုးသားတွေက မိမိတို့ဒေသကိုပြန်ပြီး အိမ်ယာတွေကို စောင့်ရှောက်နေချိန်မှာ ကျန်ရှိနေတဲ့ ကျောင်းသားတွေ၊ ကလေးငယ်တွေအတွက် လိုအပ်ချက်တွေကို အမျိုးသမီးတွေဟာ ပြောင်းဖူးစိုက်ပျိုးခြင်းကနေ ဖြည့်ဆည်းကြပါတယ်။

ပြောင်းဖူးစိုက်ပျိုးချိန်နဲ့ ချွေတဲ့အခါ သူတို့မုန်းတဲ့ စစ်ဖိနပ်တွေဟာ သူတို့ရဲ့အသုံးအဆောင်တစ်ခု ဖြစ်လာပါတယ်။

ပြောင်းဖူးခြောက်တွေဟာလည်း လှော်လိုက်တဲ့အခါမှာ သူတို့ရဲ့ အစာပြေ စားစရာတစ်ခု ဖြစ်လာပါတယ်။

ကြူဆော့စခန်းမှာ ရေအသုံးပြုရဖို့အတွက် ပိုက်တွေနဲ့ သွယ်တန်းထားပါတယ်။

ဒါပေမယ့် ကျန်တဲ့စခန်းနှစ်ခုမှာတော့ ရေအသုံးပြုနိုင်တဲ့ ကန်တစ်ခုတည်းသာရှိပါတယ်။

သူတို့ရဲ့ တစ်နေ့တာ ချက်ပြုတ်၊ လျှော်ဖွတ်၊ ရေချိုးစတဲ့ ရေနဲ့ပတ်သက်တဲ့ နိစ္စဓူဝ လုပ်ငန်းတွေကို ဒီရေကန်တွေကနေ အသုံးပြုနေတာ ဖြစ်ပါတယ်။

ချက်ပြုတ်ဖို့အတွက်လိုအပ်တဲ့ လောင်စာရရှိဖို့အတွက်က လတ်တလော ရင်ဆိုင်နေရတဲ့ ပြဿနာတစ်ခုဖြစ်နေပါတယ်။

မိခင်တွေ လုပ်ငန်းခွင်သွားကြတဲ့အခါ ကျန်နေခဲ့မယ့် ကလေးငယ်တွေအတွက် စခန်းတွေမှာ မူကြိုကျောင်းလေးတွေ ရှိပါတယ်။

စစ်ဘေးရှောင်တွေအတွက် ကျန်းမာရေးနဲ့ပတ်သက်တဲ့ သတိပေးမှုတွေ၊ ပညာပေးစာတမ်းတွေကိုလည်း စခန်းတွေမှာ ဖြန့်ဝေထားပါတယ်။

ဒီစခန်းသုံးခုလုံးရဲ့ စားသောက်နေထိုင်ဖို့ လှုပ်ရှားမှုတွေဟာတူညီပေမယ့် နေထိုင်မှုပုံစံတွေကတော့ နေရာအကျယ်အဝန်းအပေါ်မူတည်ပြီး ကွဲပြားကြပါတယ်။

ကြူဆော့စခန်း

လီဆူစခန်း

ကေဘီစီ စခန်း

ဒါတွေကတော့ နမ္မတူမြို့လေးမှာရှိတဲ့ စစ်ဘေးရှောင်စခန်းသုံးခုရဲ့ ပုံရိပ်တွေပဲဖြစ်ပါတယ်။